8.10. Modificación dunha declaración presentada
Unha vez presentada a declaración do IRPF se advirte erros ou omisións na súa declaración poderá emendaros presentando unha autoliquidación rectificativa.
Autoliquidación rectificativa: na autoliquidación rectificativa constará expresamente esta circunstancia, a obriga tributaria, o período a que se refire, así como a totalidade dos datos que deban ser declarados e outros como os motivos de rectificación.
Con esta finalidade, incorporaranse os datos incluídos na autoliquidación presentada con anterioridade que non sexan obxecto de modificación, os que sexan obxecto de modificación e os de nova inclusión.
A autoliquidación rectificativa poderá rectificar, completar ou modificar a autoliquidación presentada con anterioridade. En particular:
-
Cando da rectificación efectuada resulte un importe a ingresar superior ao da autoliquidación anterior ou unha cantidade a devolver inferior á anteriormente autoliquidada aplicarase o réxime previsto para as autoliquidacións complementarias na Lei Xeral Tributaria, e a súa normativa de desenvolvemento.
-
Nos casos non contemplados na letra anterior, cando do cálculo efectuado na autoliquidación rectificativa resulte unha cantidade a devolver, coa presentación da autoliquidación rectificativa entenderase solicitada a devolución, que se tramitará conforme ao réxime do procedemento previsto na Lei Xeral Tributaria, e a súa normativa de desenvolvemento, sen prexuízo da obriga de aboamento de xuros de mora previstos na norma.
Non obstante, o disposto anteriormente, cando o motivo da rectificación alegada sexa exclusivamente a eventual vulneración pola norma aplicada na autoliquidación previa dos preceptos doutra norma de rango superior poderase realizar mediante a presentación dunha autoliquidación rectificativa ou ben mediante o procedemento de solicitude de rectificación de autoliquidacións.
Cambios de opción: O contribuínte poderá optar por presentar a opción de tributación que resulte máis favorable. Como regra xeral, a opción pola tributación conxunta ou individual no IRPF é irrevogable unha vez finalizado o período regulamentario de presentación da autoliquidación.