APP Cl@ve en Android

Descarga e instalación da APP

A Axencia Tributaria pon á túa disposición a descarga gratuíta da aplicación Cl@ve para dispositivos móbiles con sistema Android; que ten como obxectivo converterse nun punto único onde ofrecer ao cidadán todos os servizos relacionados cos medios de identificación, autenticación e sinatura para o cidadán da plataforma Cl@ve. A APP Cl@ve integra a autenticación con Cl@ve Móbil, Cl@ve PIN e a activación e sinatura con Cl@ve Sinatura.

Para a instalación da APP é necesaria a versión Android 8 ou superior.

Podes pasar automaticamente de Cl@ve PIN a Cl@ve actualizando a aplicación ou acceder ao "google Play" e buscar "Cl@ve" da Axencia Tributaria. Para instalar a aplicación pulsa o botón "Instalar", acepta a información sobre os requisitos para o funcionamento da aplicación que se puidesen mostrar e, finalmente, "Abrir".

A primeira pantalla mostrará dúas opcións para consultar a "Política de privacidade" e os "Termos do servizo "que aceptas ao continuar ao seguinte paso.

Na pantalla seguinte infórmase da utilidade de escanear o código QR ou confirmar as peticións de autenticación. Pulsa "Continuar".

No caso de que se instale de cero a APP Cl@ve e non se estea rexistrado en Cl@ve ofreceranse as distintas alternativas para o rexistro: con certificado electrónico, mediante carta de invitación, presencial ou por videochamada (Temporalmente non se encontra dispoñible ).

Se se instala de cero a APP Cl@ve pero xa se está rexistrado, o seguinte paso será activar a APP.