Servizo Renda WEB mediante apoderamento
Se dispós do apoderamento xeral ou específico relacionado co modelo 100 (GENERALLEY58 ou 100P), poderás utilizar o servizo Renda WEB para tramitar a declaración dos teus representados desde a opción "Servizo tramitación de borrador / declaración (Renda DIRECTA e Renda WEB)" que encontrarás no bloque "IRPF", "Xestións destacadas" ou desde os trámites do modelo 100.
A continuación, identificache con Cl@ve ou selecciona a túa sinatura dixital (certificado ou DNIE ).
Despois, se accedes como apoderado, selecciona "Actuar como representante de" e indica os datos do representado para o que vas actuar e pulsa "Confirmar".
Unha vez no expediente do contribuínte, pulsa sobre a ligazón "Borrador/Declaración (Renda WEB)" do apartado "Servizos Dispoñibles" para acceder á declaración.
Se xa accediches a Renda WEB nalgún outro momento, nunha xanela emerxente informarase da existencia dunha declaración anterior, que podes recuperar desde a opción "Continuar sesión", modificar unha declaración presentada anteriormente desde "Modificar declaración presentada" ou comezar unha nova tramitación desde "Nova declaración", incorporando novamente os datos fiscais. Tamén poderás escoller a lingua cooficial en que desexas realizar a declaración.
Se é a primeira vez que accedes, mostraranse na primeira pantalla, os datos identificativos do declarante e do resto de compoñentes da unidade familiar. Se contén datos erróneos ou imprecisos ou omitiuse algún dato concreto, deberás modificaro antes de continuar. Ten en conta que os datos identificativos non se poderán modificar posteriormente, agás xerando unha nova declaración.
No caso de que exista cónxuxe, deberás autorizar o traslado de datos fiscais do cónxuxe co número de referencia ou Cl@ve. Se non desexas introducir os datos fiscais do cónxuxe, marca o recadro para o cálculo da declaración individual.
