10.11.21. Dedución por investimento na adquisición de accións ou participacións sociais en entidades que realicen determinados proxectos declarados de especial interese público, social ou económico

Esta dedución non é aplicable no caso de contribuíntes falecidos antes do 12 de novembro.

Contía

O 20% das cantidades investidas desde o 12 de novembro na adquisición de accións ou participacións sociais, a consecuencia de acordos de constitución de sociedades ou de ampliación de capital, daquelas entidades que teñan por obxecto social exclusivo a realización de proxectos que sexan declarados de especial interese público, social ou económico, aos que se refiren os artigos 17 e 20 da Lei 2/2024, do 7 de novembro, de promoción dos beneficios sociais e económicos dos proxectos que utilizan os recursos naturais de Galicia.

Base da dedución

A base máxima da dedución é de 10.000 euros para cada entidade, con independencia de que o investimento se realice nun ou en varios períodos impositivos.

Incompatibilidade

Esta dedución é incompatible con calquera outra dedución autonómica que resulte de aplicación polo mesmo investimento en capital.

Formalización

• Deberá indicar as cantidades investidas con dereito a dedución. En caso de matrimonio, e se o investimento é común a ambos os dous, deberá consignar o 50% na declaración de cada cónxuxe.

• Reflectirá o NIF da entidade en que realiza o investimento.

O programa trasladará o importe ao Anexo B.11 da declaración.