10.12.5. Por arrendamento de vivenda habitual

Contía

Os contribuíntes poderán deducir o 30%, cun máximo de  1.237,20 euros, das cantidades que satisfixesen no período impositivo polo arrendamento da súa vivenda habitual.

Requisitos e condicións

1. Esta dedución só será aplicable polos contribuíntes menores de 40 anos.

2. As cantidades abonadas polo arrendamento deben superar o 20% da base impoñible, entendendo como tal a suma da base impoñible xeral e a do aforro do contribuínte.

3. Os contribuíntes deberán estar en posesión do resgardo ou, se é o caso, dunha copia do resgardo do depósito da fianza na Axencia de Vivenda Social da Comunidade de Madrid formalizada polo arrendador, ou ben, posuír copia da denuncia presentada ante o devandito organismo por non haberlles sido entregado o devandito xustificante polo arrendador

4. A suma da base impoñible xeral e a do aforro non ten que exceder de 26.414,22 euros en tributación individual e 37.322,20 euros no caso de tributación conxunta. 

5. A suma da base impoñible xeral e do aforro de todos os membros da unidade familiar de que o contribuínte poida formar parte, non poderá supera a cantidade de 61.860 euros.

   Se se trata dunha unidade familiar conxugal (das reguladas no artigo 82.1.1ª da Lei de IRPF) computaranse todos os membros da unidade familiar integrado na mesma, con independencia de que opten ou non polo réxime de tributación conxunta e de que estean obrigados ou non a presentar declaración.

   Se se trata dunha unidade familiar monoparental ou non conxugal, terá que terse en conta todos os membros da unidade familiar que teoricamente corresponda a cada contribuínte, de acordo co que se dispón no artigo 82.1.2ª da Lei de IRPF con independencia de que se opte ou non por tributar polo réxime de tributación conxunta e de que estean ou non obrigados a presentar declaración.

Formalización

Se tributa individualmente e a suma das bases impoñibles xerais e do aforro de todos os membros da unidade familiar de que poida formar parte excede de 61.860 euros non cubrirá os datos solicitados nesta dedución.

No resto de casos reflectirá na xanela:

• O importe satisfeito pola persoa que consta como titular no contrato de arrendamento.

  No caso de matrimonio, calquera que sexa o seu réxime económico matrimonial, se no contrato figura só un do cónxuxes será este o que poida aplicar a dedución. Se a renda se satisfai con fondos gananciais o cónxuxe titular do contrato poderá aplicar a dedución polo 50 %do importe do alugamento; as cantidades satisfeitas polo outro cónxuxe non dan dereito á dedución ao non ter a condición de arrendatario.

• O NIF do arrendador ou, en du defecto, o Número de Identificación no país de residencia.

O programa trasladará os datos ao anexo B.9 da declaración.