10.13.20. Por gastos de acceso a Internet

Contía

Os contribuíntes que durante o exercicio accedan a Internet mediante a contratación de liñas de alta velocidade poden deducir o 30 % das cantidades satisfeitas, en concepto de cota de alta e cotas mensuais.

A dedución ten un límite máximo de 300 euros.Este límite aplícase con respecto a todas as cantidades satisfeitas durante o exercicio xa correspondan a un só contrato de conexión ou a varios que se manteñan simultaneamente.

Requisitos e condicións

• O contribuínte deberá ter a súa residencia habitual nalgún dos municipios da Rexión de Murcia cuxa poboación de dereito a 31 de decembro sexa inferior a 15.000 habitantes.

• A dedución soa pode aplicarse no exercicio en que se celebre o contrato de conexión.

• A liña de alta velocidade contratada debe estar destinada a uso exclusivo na vivenda habitual do contribuínte e non vinculada ao exercicio de calquera actividade empresarial ou profesional.

• A dedución tamén poderá aplicarse polos contribuíntes que sen figurar no contrato realicen os pagamentos.

• A dedución non resulta aplicable se o contrato de conexión supón simplemente un cambio de compañía prestadora do servizo e o contrato coa compañía anterior realizouse noutro exercicio.

  Tampouco resulta aplicable cando se contrate a conexión a unha liña de alta velocidade e o contribuínte manteña, simultaneamente, outras liñas contratadas en exercicios anteriores.

• Se na mesma vivenda habitual conviven máis dun contribuínte con dereito á dedución cada un poderá deducir o 30% do importe que satisfixese. O límite da dedución ratearase por partes iguais entre os contribuíntes que teñan dereito á mesma.

• Esta dedución soa pode aplicarse unha única vez por vivenda e por contribuínte, independentemente do réxime de ocupación da vivenda.

• O contribuínte deberá dispor dos xustificantes acreditativos da contratación da liña e do pagamento das cotas do servizo.

Formalización

Consignará:

• O importe satisfeito con dereito a dedución que corresponde ao titular.

• O número de contribuíntes con dereito á dedución que conviven na vivenda.