10.14.23. Destinada aos doentes do ELA

Contía

O 50 % dos gastos do contribuínte, do cónxuxe, e daquelas persoas que dean dereito á aplicación do mínimo persoal e familiar relacionado co diagnóstico e tratamento da esclerose lateral amiotrófica.

O límite máximo desta dedución será 2000 euros anuais.

Requisitos e condicións

• Exclusivamente darán dereito a esta dedución as cantidades desembolsadas polos seguintes conceptos:

  • Os servizos prestados por profesionais sanitarios.

  • Os tratamentos sanitarios prescritos por profesionais sanitarios.

  • Os destinados a paliar os síntomas da enfermidade.

• Cando varios contribuíntes teñan dereito á aplicación desta dedución, as cantidades satisfeitas e o límite da mesma ratearanse por partes iguais.

• Esta dedución quedará condicionada á súa xustificación documental mediante a correspondente factura completa ou ordinaria, nos termos previstos pola lexislación sobre as obrigas de facturación, sen que en ningún caso teña tal condición a factura simplificada.

Formalización

No caso de matrimonio, para o cálculo desta dedución cómpre introducir os datos correspondentes a ambos os dous cónxuxes. Os datos introducidos na declaración individual dun deles , trasladarase ao outro de maneira que na "Modalidade Cónxuxe" os datos do cónxuxe figurarán na columna "Declarante".

Cantidades satisfeitas relacionadas co diagnóstico e tratamento do ELA: E l contribuínte ao que diagnosticasen ELA deberá reflectir as cantidades que correspondan aos servizos relacionados co diagnóstico e tratamento da súa enfermidade con independencia de que fosen satisfeitas por el ou polo seu cónxuxe.

Cantidades satisfeitas relacionadas co diagnóstico e tratamento do ELA daquelas persoas que xeran mínimo por descendentes e / ou ascendentes: Se o declarante ou o cónxuxe satisfan cantidades relacionadas co diagnóstico e tratamento do ELA das persoas que xeran o dereito ao mínimo por ascendentes ou descendentes consignarán os importes satisfeitos por cada un deles .