10.2.20. Por gastos en clases de apoio ou reforzo

Contía

O importe da dedución será o 25% das cantidades destinadas ao pagamento das clases de apoio ou reforzo recibido polos seus descendentes, en horario extraescolar, das materias obxecto de ensino en Educación Infantil, Educación Básica Obrigatoria e Formación Profesional Básica, desenvolvidas ou impartidas tanto nos propios centros educativos como en centros externos, sexan públicos ou privados, así como as cantidades abonadas a persoas físicas, dadas de alta no correspondente epígrafe do Imposto sobre Actividades Económicas (IAE), en contraprestación polas clases particulares impartidas sobre as devanditas materias.

Límites e condicións

Nas declaracións conxuntas:
- Se o contribuínte forma parte dunha “familia numerosa” e a suma da base impoñible xeral e da base impoñible do aforro non supera os 40.000 euros: ata un máximo de 300 euros por descendente.
- Se o contribuínte non está integrado nunha “familia numerosa” e a suma da base impoñible xeral e da base impoñible do aforro non supera os 25.000 euros:
  - Cando a suma de bases impoñibles non supere os 12.000 euros: ata un máximo de 200 euros por descendente.
  - Cando a suma de bases impoñible se sitúe entre 12.000,01 e 20.000,00 euros: ata un máximo de 100 euros por descendente.
  - Cando a suma de bases impoñible se sitúe entre 20.000,01 e 25.000,00 euros: ata un máximo de 80 euros por descendente.
Nas declaracións individuais:
- Se o contribuínte forma parte dunha “familia numerosa” e a suma da base impoñible xeral e da base impoñible do aforro non supera os os 30.000 euros: ata un máximo de 300 euros por descendente.
- Se o contribuínte non está integrado nunha “familia numerosa” e a suma da base impoñible xeral e da base impoñible do aforro non supera os 12.500 euros:
  - Cando a suma de bases impoñibles non supere os 6.500 euros: ata un máximo de 100 euros por descendente.
  - Cando a suma de bases impoñible se sitúe entre 6.500,01 e 10.000,00 euros: ata un máximo de 80 euros por descendente.
  - Cando a suma de bases impoñible se sitúe entre 10.000,01 e 12.500,00 euros: ata un máximo de 50 euros por descendente.
A dedución resultante deberá minorarse, por cada descendente, na cantidade correspondente ás axudas percibidas, no período impositivo de que se trate, da Administración da Comunidade Autónoma de Aragón ou de calquera outra Administración pública que cubran a totalidade ou parte dos gastos polas clases de apoio ou reforzo sinalado anteriormente.
Para a aplicación da dedución, só teran en contase aqueles descendentes que dean dereito á aplicación do mínimo por descendentes establecidos na LIRPF .
Aos efectos do que se dispón neste artigo, o concepto de familia numerosa é o establecido pola Lei 40/2003, do 18 de novembro, de Protección ás Familias Numerosas.
A dedución corresponderá ao ascendente que satisfixese as cantidades destinadas ao pagamento das clases de apoio ou reforzo. Non obstante, se se trata de matrimonios co réxime económico do consorcio conxugal aragonés ou análogo, as cantidades satisfeitas atribuiranse a ambos os dous cónxuxes por partes iguais.
A acreditación documental do gasto deberá realizarse mediante factura ou calquera outro medio do tráfico xurídico ou económico admitido en Dereito e o pagamento dos devanditos gastos tén quese realizar mediante tarxeta de crédito ou débito, transferencia bancaria, cheque nominativo ou ingreso en contas en entidades financeiras.

Formalización

Para cada un dos descendentes:

Consignará as cantidades satisfeitas por gastos en clases de apoio ou reforzo que correspondan ao titular da declaración. Se o cónxuxe tamén tivese dereito a aplicar a dedución cada un consignará o 50% das cantidades satisfeitas.
Se o cónxuxe ten dereito a aplicar a dedución por ese descendente indicarao consignando SI no recadro habilitado para ese fin. En caso contrario consignará Non.
Consignará a parte das axudas percibidas para o pagamento das clases de apoio ou reforzo que correspondan ao contribuínte.

Por último, deberá indicar se forma parte dunha familia numerosa marcando o recadro habilitado para ese fin.