10.3.4. Por arrendamento de vivenda habitual

Contía e requisitos

En xeral : o contribuínte poderá deducir o 10% das cantidades satisfeitas no período impositivo polo alugamento da vivenda habitual cun máximo de 500 euros sempre que a base impoñible non exceda de 35.000 euros en tributación individual nin de 45.000 euros en tributación conxunta.
En caso de arrendamento de vivenda habitual por contribuíntes con residencia en concellos en risco de despoboamento o contribuínte poderá deducir e l 30% das cantidades satisfeitas no período impositivo polo alugamento da vivenda habitual co límite de 1.500 euros sempre que a base impoñible non exceda de 35.000 euros en tributación individual nin de 45.000 euros en tributación conxunta.
En caso de arrendamento de vivenda habitual por mozos de ata 35 anos, familias numerosas, familias monoparentais e mulleres vítimas de violencia de xénero, calquera que sexa a situación do inmoble , o 30% das cantidades satisfeitas no período impositivo polo alugamento da vivenda habitual co límite de 1.500 euros sempre que a base impoñible non exceda de 35.000 euros en tributación individual nin de 45.000 euros en tributación conxunta.

A consideración de familia numerosa e a súa clasificación por categorías determinarase de acordo co que se establece na Lei 40/2003, do 18 de novembro, de Protección ás Familias Numerosas.

Considéranse membros de familias monoparentais os contribuíntes que cumpran os requisitos establecidos na dedución "Por familias monoparentais".

Esta dedución só poderá ser aplicada por quen figuren como arrendatarios no contrato de arrendamento.

Cando dous ou máis contribuíntes teñan dereito á aplicación desta dedución respecto dos mesmos bens para un mesmo período impositivo, o importe máximo da dedución ratearase entre eles por partes iguais, aplicandose o beneficio fiscal unicamente na declaración daqueles que cumpran as condicións establecidas para ser beneficiarios da mesma.

Formalización

Importe satisfeito pola persoa que consta como titular no contrato de arrendamento.

No caso de matrimonio, calquera que sexa o seu réxime económico matrimonial, se no contrato figura só un do cónxuxes será este o que poida aplicar a dedución. Se a renda se satisfai con fondos gananciais o cónxuxe titular do contrato poderá aplicar a dedución polo 50 %do importe do alugamento; as cantidades satisfeitas polo outro cónxuxe non dan dereito á dedución ao non ter a condición de arrendatario.
Indicará a situación da vivenda seleccionando a clave correspondente.
O número de persoas con dereito a aplicar a dedución.
Deberá indicar o NIF do arrendador, se este non reside en España e non ten NIF deberá consignar o Número de Identificación no país de residencia e indicará a situación en que se encontre o inmoble seleccionando para iso a clave correspondente.
En caso de arrendamento de vivenda habitual por familia numerosa, familia monoparental ou muller vítima de violencia de xénero marcará o recadro correspondente.

O programa trasladará os datos ao anexo B.9 da declaración.