10.5.12. Por obras de adecuación da vivenda habitual por razón de discapacidade

Contía

Os contribuíntes que acrediten un grao de discapacidade igual ou superior ao 65 %poderán deducir o 14% das cantidades satisfeitas durante o período impositivo na adecuación da vivenda que constitúa ou vaia a constituír a súa residencia habitual. A porcentaxe de dedución será do 18% se o contribuínte ademais fóra maior de 65 anos.

A dedución do 14% tamén será aplicable cando a discapacidade igual ou superior ao 65 %sexa padecida polo cónxuxe, a parella de feito, os ascendentes ou descendentes que convivan co contribuínte e sempre que aqueles individualmente considerados non teñan rendas anuais, excluídas as exentas, superiores a 35.000 euros. A porcentaxe de dedución será do 18% se o cónxuxe. a parella de feito, os ascendentes ou descendentes fosen ademais maiores de 65 anos.

Requisitos e condicións

As obras e instalacións en que consista a adecuación deberán resultar estritamente necesarias para a accesibilidade e comunicación sensorial, de maneira que faciliten o desenvolvimiento digno e axeitado das persoas con discapacidade, extremo que terá que ser acreditado ante a administración tributaria mediante resolución ou certificado expedido pola consellaría competente en materia de valoración de discapacidade.
Cando dous ou máis contribuíntes teñan dereito á aplicación desta dedución respecto dos mesmos ascendentes ou descendentes para un mesmo período impositivo, a base máxima da dedución ratearase entre eles por partes iguais.

Non obstante, cando os contribuíntes teñan distinto grao de parentesco co ascendente ou descendente, a aplicación da redución corresponderá aos de grao máis próximo.
Os contribuíntes non perderán o dereito á dedución practicada da cota íntegra autonómica do IRPF polas cantidades satisfeitas por este concepto a pesar de que as vivendas habituais fosen destruídas pola erupción volcánica da Palma, podendo continuar aplicando esta dedución polas cantidades que puidesen seguir aboando.

Base da dedución

A base da dedución constitúena as cantidades satisfeitas durante o período impositivo nas obras e instalacións en que consista a adecuación da vivenda habitual.

A base da dedución minorarase no importe das axudas concedidas polas Administracións públicas no período impositivo de que se trate, que cubran a totalidade ou parte dos gastos que dan dereito á dedución sempre que as axudas teñan a consideración de renda exenta para os efectos de IRPF.

A base máxima desta dedución será de 15.000 euros por contribuínte.

Compatibilidade

Sobre un mesmo ben non pode aplicarse máis dunha dedución autonómica aínda que non sexa un único importe o que as orixine. O contribuínte poderá elixir a que desexa aplicar.

Limite conxunto da dedución

A suma do importe desta dedución canda o das deducións autonómicas "Por cantidades destinadas polos seus titulares á restauración, rehabilitación ou reparación de bens inmobles declarados de Interese Cultural”, "Por obras de rehabilitación enerxética da vivenda habitual" e "Por obras de adecuación da vivenda habitual por persoas con discapacidade" non poderá exceder o 15% da cota íntegra autonómica.

Formalización

Deberá consignar o importe satisfeito na adecuación da vivenda tendo en conta que o devandito importe deberá minorarse na contía das axudas concedidas polas Administracións públicas para cubrir o gasto cando as mesmas teñan a consideración de renda exenta.

En función da idade da persoa á que acreditan as obras marcará o recadro do punto 1) ou os recadros do punto 1) e do punto 2).

Se as obras se acreditan para unha persoa maior de 65 anos.
Se as obras se acrediten para dúas persoas cando só unha delas é maior de 65 anos.
Reflectirá o número de contribuíntes con dereito a dedución: Con carácter xeral consignará un 1

Non obstante, cando o dereito á dedución dun contribuínte só xéreno os ascendentes ou descendentes:
- Se só hai un ascendente ou descendente que lle xere o dereito á dedución consignará o número de contribuíntes con dereito a dedución.
- Excepcionalmente, se houbese máis dun ascendente ou descendente que lle xere o dereito á dedución determinará en primeiro lugar, o número de contribuíntes con dereito por cada ascendente ou descendente e unha vez determinado consignará o número menor dos obtidos.