10.5.23. Por arrendamento de vivenda habitual vinculado a determinadas operacións en dación de pagamento

Contía

O 25% das cantidades pagas en supostos de arrendamento vinculado a determinadas operacións de dación en pagamento, cun máximo de 1.200 euros. Estas operacións baséanse nos contratos de arrendamento con opción de compra asinada entre as entidades financeiras acredoras, ou unha entidade inmobiliaria do seu grupo, e os propietarios que transmiten a propiedade da súa vivenda habitual a esas entidades. Os contratos de arrendamento deben realizarse sobre as vivendas habituais que se transmiten.

A base da dedución minorarase no importe das axudas concedidas polas Administracións públicas no período impositivo de que se trate, que cubran a totalidade ou parte dos gastos que dan dereito á dedución sempre que as axudas teñan a consideración de renda exenta para os efectos de IRPF.

Requisitos

Os contribuíntes deberán ter un nivel de renda (suma da base impoñible xeral e da base impoñible do aforro) non superior a 45.500 euros en declaración individual, ou 60.500 en declaración conxunta.

Formalización

• A persoa que consta como titular no contrato de arrendamento consignará o importe satisfeito polo alugamento tendo en conta que o devandito importe deberá minorarse na contía das axudas concedidas polas Administracións públicas para cubrir o gasto cando as mesmas teñan a consideración de renda exenta.

  No caso de matrimonio, calquera que sexa o seu réxime económico matrimonial, se no contrato figura só un do cónxuxes será este o que poida aplicar a dedución. Se a renda se satisfai con fondos gananciais o cónxuxe titular do contrato poderá aplicar a dedución polo 50 %do importe do alugamento; as cantidades satisfeitas polo outro cónxuxe non dan dereito á dedución ao non ter a condición de arrendatario.

• O NIF do arrendador. Se o arrendador non ten NIF deberá consignar o Número de Identificación no país de residencia.

O programa trasladará os datos ao anexo B.10 da declaración.