10.5.3. Por cantidades destinadas polos seus titulares á restauración, rehabilitación ou reparación de bens inmobles declarados de interese cultural

Contía

O 10% das cantidades destinadas polos titulares de bens inmobles situados no territorio de Canarias á restauración, rehabilitación ou reparación dos mesmos.

A base da dedución minorarase no importe das axudas concedidas polas Administracións públicas no período impositivo de que se trate, que cubran a totalidade ou parte dos gastos que dan dereito á dedución sempre que as axudas teñan a consideración de renda exenta para os efectos de IRPF.

O límite do a dedución é do 10 %da cota íntegra autonómica

Requisitos e condicións

• Os bens inmobles deberán estar inscritos no Rexistro Canario de Bens de Interese Cultural ou afectado pola declaración de Ben de Interese Cultural, cumprindo, neste caso, que os inmobles reúnen as condicións que regulamentariamente se determinen.

• As obras de restauración, rehabilitación ou reparación deben ser autorizadas polo órgano competente da Comunidade Autónoma ou, se é o caso, polo cabido insular ou concello correspondente.

• A suma do importe desta dedución canda o das deducións autonómicas "Por investimento en vivenda habitual", "Por obras de rehabilitación enerxética da vivenda habitual" e "Por obras de adecuación da vivenda habitual por persoas con discapacidade" non poderá exceder o 15% da cota íntegra autonómica.

Formalización

Na xanela de captura de datos consignará as cantidades satisfeitas tendo en conta que o devandito importe deberá minorarse na contía das axudas concedidas polas Administracións públicas para cubrir o gasto cando as mesmas teñan a consideración de renda exenta.