10.5.5. Por trasladar a residencia habitual a outra illa do arquipélago para realizar unha actividade por conta allea ou unha actividade económica

Contía

Os contribuíntes que trasladen a súa residencia habitual desde a illa en que residan a calquera das demais illas do arquipélago para realizar unha actividade laboral por conta allea ou unha actividade económica poderán aplicar unha dedución de 300 euros no período impositivo en que se produza o cambio de residencia e no seguinte.

Requisitos e condicións

1. O contribuínte debe permanecer na illa de destino durante o ano en que se produza o traslado e os tres seguintes.

2. Se o traslado se produce neste exercicio a suma da base impoñible xeral e a base impoñible do aforro non pode ser superior a 45.500 euros en tributación individual ou a 60.500 euros en tributación conxunta.

   Se o traslado se produciu no exercicio anterior terán dereito a aplicar a dedución os contribuíntes cuxa suma da base impoñible xeral e do aforro, no exercicio do traslado, non sexa superior a 39.000 euros en tributación individual ou a 52.000 euros en tributación conxunta.

3. O incumprimento das condicións da dedución dará lugar á integración das cantidades deducidas na cota íntegra autonómica do exercicio en que se produce o incumprimento, cos correspondentes xuros de mora.

Límite

A dedución terá como límite a parte autonómica da cota íntegra procedente de rendementos do traballo e de actividades económicas en cada un dos dous exercicios en que sexa aplicable a dedución.

No suposto de tributación conxunta, a dedución de 300 euros aplicarase, en cada un dos períodos impositivos en que sexa aplicable a dedución, por cada un dos contribuíntes que traslade a súa residencia  co límite da parte autonómica da cota íntegra procedente de rendementos do traballo e de actividades económicas que corresponda aos contribuíntes que xeren dereito á aplicación da dedución.

Formalización

En función do exercicio en que se producise o traslado marcará o recadro que lle corresponda.