10.8.13. Por nacemento ou adopción de fillos

Contía

1. Nacimiento ou adopción

   Polo nacemento ou adopción durante o período impositivo de fillos que xeren dereito á aplicación do "mínimo por descendentes", poderán deducirse as seguintes cantidades:

   • 1.010 euros se se trata do primeiro fillo.

   • 1.475 euros se se trata do segundo fillo.

   • 2.351 euros se se trata do terceiro fillo ou sucesivos.

2. Nacimiento ou adopción no medio rural

   Os contribuíntes residentes en municipios ou entidades locais menores cuxa poboación non exceda de 5.000 habitantes  poderán deducirse por cada fillo nado ou adoptado durante o período impositivo que xere o dereito á aplicación do mínimo por descendente as seguintes cantidades:

   • 1.420 euros se se trata do primeiro fillo.

   • 2.070 euros se se trata do segundo fillo.

   • 3.300 euros se se trata do terceiro fillo ou sucesivos.

3. Nacimiento ou adopción con discapacidade

   As cantidades anteriores duplicaranse no caso de que o nado ou adoptado teña recoñecido un grao de discapacidade igual ou superior ao 33 %. Se o recoñecemento da discapacidade fóra realizado con posterioridade ao período impositivo correspondente ao nacemento ou adopción e antes de que o menor cumpra cinco anos, a dedución practicarase polos mesmos importes establecidos nos apartados anteriores no período impositivo en que se realice o devandito recoñecemento.

   Cando o recoñecemento da discapacidade teña lugar nun ano distinto ao de nacemento ou adopción, para poder determinar o dereito a aplicar o incremento da dedución nese ano e a súa contía, haberá que atender ás circunstancias que concorran no ano de nacemento e á regulación aplicable no devandito ano.

Cando ambos os dous proxenitores ou adoptantes teñan dereito á aplicación da dedución o seu importe ratearase por partes iguais.

Os contribuíntes que tivesen importes xerados en 2021 e 2022 pendentes de aplicación ao inicio deste exercicio poderanos aplicar en 2024 ata esgotar, se é o caso, o importe total da dedución.

Cando neste exercicio non se esgotase a totalidade da dedución do 2021 o contribuínte poderá solicitar, á Xunta de Castilla y León, o aboamento da cantidade que reste por aplicar.

Incompatibilidade

Estas deducións son incompatibles con respecto ao mesmo fillo coa percepción de axudas e prestacións públicas outorgadas pola Xunta de Castilla y León de análoga natureza como é o caso do Bono nacemento regulado na ORDE FAM/83/2024, do 2 de febreiro, pola que se modifica a ORDE FAM/1972/2022, do 29 de decembro, pola que se aproban as bases reguladoras para a concesión do bono nacemento ás familias de Castilla y León para o coidado de fillos, por nacemento ou adopción.

Polo tanto, se se optase por solicitar as mencionadas axudas e prestacións e concedésense non se terá dereito á aplicación desta dedución.

No Bono nacemento recóllese a posibilidade de solicitar unha axuda complementaria cando o fillo nado ou adoptado teña recoñecido un grao de discapacidade igual ou superior ao 33 %. Para os efectos de determinar as incompatibilidades haberá que ter en conta:

• Se en 2024 percibiu o Bono nacemento (con ou sen axuda complementaria) por un fillo nado ou adoptado no 2024 ao que se lle recoñece unha discapacidade nese exercicio non terá dereito nin ás deducións por nacemento ou adopción nin á dedución por nacemento ou adopción con discapacidade.

• Se en 2023 percibiu o Bono nacemento por un fillo nado ou adoptado no 2023 ao que se lle recoñece a discapacidade en 2024 para determinar a procedencia da dedución por nacemento con discapacidade haberá que estar, en todo caso, a se se percibe a axuda complementaria do Bono nacemento en 2024.

Formalización

• O programa reflectirá na xanela de captura de datos o número de orde do primeiro fillo con dereito a dedución en función dos datos reflectidos na xanela de descendentes de "Datos persoais e familiares".

  Non obstante, este dato poderá modificarse xa que para os efectos do número de orde deberán de computarse todos os fillos d e calquera dos dous proxenitores, que convivan co contribuínte na data de devindicación do imposto  con independencia de que dean dereito ao "mínimo por descendentes". Polo tanto, se algún dos fillos non se relacionase na xanela de "Datos persoais e familiares" porque non dá dereito ao mínimo por descendentes deberá modificar o número de orde do primeiro fillo con dereito a dedución no recadro establecido para ese fin.

• Deberá seleccionar no desdobrable a clave do municipio en que o contribuínte con dereito á dedución ten o seu domicilio fiscal.

• Así mesmo deberá indicar se no exercicio 2024 obtivo o recoñecemento da discapacidade cun grao igual ou superior ao 33 %dalgún dos fillos nados ou adoptados no  2020, 2021, 2022 e 2023 reflectindo a continuación o importe da dedución que aplicou na declaración deses exercicios.

• Se solicitou e obtido o Bono nacemento neste exercicio reflectirá SI no recadro correspondente.

  En caso contrario consignará NON neste recadro.