10.8.18. Por cotas á Seguridade Social de empregados do fogar

Contía

Os contribuíntes que á data de devindicación do imposto teñan un fillo menor de 4 anos, ao que sexa de aplicación o "mínimo por descendente", poderán deducir o 15% das cantidades por eles satisfeitas no período impositivo polas cotas á Seguridade Social dun traballador incluído no Sistema Especial para Empregados do Fogar do Réxime Xeral da Seguridade Social co límite máximo de 300 euros tanto en tributación individual coma en tributación conxunta.

Requisitos e condicións

• Que a base impoñible total, menos o mínimo persoal e familiar non supere a contía de 18.900 euros en tributación individual e 31.500 euros en tributación conxunta

• Os contribuíntes que tivesen importes xerados en 2021 e 2022 pendentes de aplicación ao inicio deste exercicio poderanos aplicar en 2024 ata esgotar, se é o caso, o importe total da dedución.

  Cando neste exercicio non se esgotase a totalidade da dedución do 2021 o contribuínte poderá solicitar, á Xunta de Castilla y León, o aboamento da cantidade que reste por aplicar.

Incompatibilidade

Esta dedución é incompatible coa percepción de axudas e prestacións públicas outorgadas pola Xunta de Castilla y León de análoga natureza.

No suposto de que se optase por solicitar as mencionadas axudas e prestacións públicas outorgadas pola Xunta de Castilla y León e concedésense, non se terá dereito á aplicación desta dedución.

Compatibilidade

Esta dedución é compatible co Bono Concilia  regulado na ORDE FAM/882/2021, do 12 de xullo, pola que se aproban as bases reguladoras para a concesión do «Bono Concilia» ás familias de Castilla y León para a conciliación da vida persoal, familiar e laboral no coidado de menores de cero a tres anos  e coas axudas por redución de xornada e excedencia regulada pola ORDE FAM/1454/2023, do 18 de decembro, pola que se aproban as bases reguladoras para a concesión de subvencións destinadas á conciliación da vida persoal, familiar e laboral en Castilla y León .

Formalización

Indicarase o importe das cotas satisfeitas á Seguridade Social e o  NIF da persoa empregada do fogar.

Tratandose de matrimonios en réxime de gananciais as cotas satisfeitas á Seguridade Social polo empregado de fogar atribuiranse ao cónxuxes por partes iguais. En calquera outro suposto, as cotas satisfeitas atribuiranse integramente á persoa que figure como empregador.