Saltar ao contido principal
Modelo 100. Declaración do Imposto sobre a Renda das Persoas Físicas 2024

3.3.1. Presentación das declaracións

As declaracións poderán presentarse:

  • Por medios electrónicos, a través de Internet, na sede electrónica da Axencia Estatal de Administración Tributaria e a través do teléfono previa solicitude de cita.

    Serán admitidos como sistemas electrónicos de identificación, autenticación e sinatura: o certificado electrónico recoñecido, a Cl@ve Móbil (inclúe Cl@ve PIN), o Número de referencia, eIDAS (sistema que permite aos cidadáns dun país da UE usar a súa identificación electrónica nacional para realizar trámites na Sede electrónica da Axencia Tributaria).

  • Nas oficinas da Axencia Estatal de Administración Tributaria previa solicitude de cita.

  • Nas oficinas habilitadas polas Comunidades Autónomas, cidades con Estatuto de Autonomía e Entidades Locais.

As declaracións efectuadas a través dos servizos de axuda (a través do teléfono  ou prestados nas oficinas) poderán presentarse directamente nas mesmas para a súa inmediata transmisión electrónica. No caso de declaracións con resultado a ingresar a admisión da presentación estará condicionada a que o contribuínte proceda no devandito acto á domiciliación bancaria da totalidade do ingreso resultante ou do primeiro prazo, a que o pagamento se realice mediante Número de Referencia Completa (NRC), mediante documento de ingreso para efectuar o pagamento ou mediante Bizum.

Os contribuíntes que teñan a súa residencia habitual no estranxeiro e aqueles que se encontren fóra do territorio nacional durante os prazos de presentación poderán presentar a súa declaración e, se é o caso, realizar o ingreso ou solicitar a devolución por medios electrónicos.