7.1.6. Redución por obtención de rendementos do traballo

Esta redución aplicarase unicamente aos contribuíntes con rendementos netos do traballo inferiores a 19.747,5 euros sempre que non teñan rendas,  excluídas as exentas, distintas das do traballo superior a 6.500 euros. O importe da redución será:

1. Contribuíntes con rendementos netos do traballo iguais ou inferiores a 14.852 euros: 7.302 euros anuais.

2. Contribuíntes con rendementos netos do traballo superior a 14.852 euros, pero iguais ou inferiores a 17.673,52 euros: 7.302 euros menos o resultado de multiplicar por 1,75 a diferenza entre o rendemento do traballo e 14.852 euros anuais.

3. Contribuíntes con rendementos netos do traballo comprendido entre 17.673,52 e 19.747,5 euros: 2.364,34 euros menos o resultado de multiplicar por 1,14 a diferenza entre o rendemento do traballo e 17.673,52 euros anuais.

Con esta finalidade, o rendemento neto do traballo será o resultante de minorar o rendemento íntegro nos gastos previstos nas letras a), b), c), d) e e) do artigo 19.2 da Lei do Imposto.

Como consecuencia da aplicación da redución prevista neste artigo, o saldo resultante non poderá ser negativo.

En todo caso, non cómpre que realice ningunha operación a redución calcúlaa  o programa.