3.8.2. Forma de presentación
Os suxeitos pasivos do Imposto sobre o Patrimonio deberán realizar de forma obrigatoria a presentación electrónica por Internet da declaración correspondente a este imposto (modelo 714).
A declaración do Imposto sobre o Patrimonio presentarase de acordo co que se establece nos apartados a) e c) do artigo 2 da Orde HAP/2194/2013, do 22 de novembro, pola que se regulan os procedementos e as condicións xerais para a presentación de determinadas autoliquidacións, declaracións informativas, declaracións censuais, comunicacións e solicitudes de devolución, de natureza tributaria.
Para a presentación electrónica por Internet serán admitidos os seguintes sistemas electrónicos de identificación, autenticación e sinatura: con certificado electrónico recoñecido, "Cl@ve Móbil (inclúe Cl@ve PIN)" ou número de referencia. Os cidadáns da UE tamén poden identificarse utilizando a autenticación eIDAS, sistema que permite aos cidadáns dun país da UE usar a súa identificación electrónica nacional para realizar trámites na Sede electrónica da Axencia Tributaria.