Agrupacións electorais (G)

(Lei Orgánica 5/1985 do Réxime Electoral e Instrución da Xunta Electoral Central, do 20 de xaneiro de 2000, sobre documentación a achegar polas candidaturas)

• Acreditación da condición de promotor da agrupación de electores mediante escrito en papel común en que se faga constar a mesma, sen que cumpra un mínimo de promotores. Son promotores aqueles que impulsan ou promoven a presentación de candidaturas ante as correspondentes Xuntas Electorais.
• A agrupación de electores queda formalmente constituída coa presentación da candidatura ante a Administración electoral, non necesitando ser rexistrada como asociación.

Para a presentación da candidatura necesitan un número determinado de sinaturas dos inscritos no censo electoral do municipio (segundo baremo establecido no artigo 187.3 da Lei Orgánica 5/1985 do Réxime Electoral en función do número de habitantes do municipio), que deberán ser autenticadas mediante acta notarial ou polo secretario da corporación electoral.

As candidaturas deben presentarse ante a Xunta Electoral competente entre o décimo quinto e vixésimo día posteriores á convocatoria electoral.

Fotocopia do NIF da persoa que firme a declaración censual, que terá que ser un promotor con capacidade ou un representante. Se é o propio interesado o que comparece ante a Administración Tributaria, non será precisa a achega de fotocopia do NIF, sempre que autorice aos órganos da AEAT a efectuar a verificación dos seus datos de identidade.