Coalicións electorais (V)

(Lei Orgánica 5/1985, do 19 de xuño, do Réxime Electoral Xeral (LORG) e Instrución 1/2010, do 9 de setembro, da Xunta Electoral Central)

Denomínase Coalición electoral a agrupación de partidos políticos distintos co obxectivo de presentar unha candidatura única nun proceso electoral. Poden ser considerados como entidades carentes de personalidade que constitúen unha unidade económica ou un patrimonio separado susceptible de imposición, ou máis propiamente, susceptibles de obrigas tributarias, ás que se refire o artigo 35.4 da Lei Xeral Tributaria.

• Orixinal e fotocopia do documento acreditativo do Pacto de Coalición dos partidos ou federacións en que consten ademais dos partidos que a integran, a denominación da coalición, as normas polas que se rexe e as persoas titulares dos seus órganos de dirección ou coordinación.
• Autorización da Xunta Electoral competente.
• Fotocopia do NIF da persoa que firme a declaración censual, que ten que ser un cargo con capacidade ou un representante. Se é o propio interesado o que comparece ante a Administración Tributaria, non será precisa a achega de fotocopia do NIF, sempre que autorice aos órganos da AEAT a efectuar a verificación dos seus datos de identidade.
• Fotocopia do documento que acredite a condición da persoa que firme a declaración censual.

Por razóns de simplificación e de axilización da xestión censual non se darán de baixa as coalicións cada vez que finalice un mandato e de alta cando comece a seguinte elección. Non obstante, os representantes asumen a responsabilidade de comunicar baíxaa da mesma se non se volve a constituír para a elección seguinte, sen prexuízo de que a devandita coalición deba cumprir coas súas obrigas tributarias pendentes (declaracións informativas).