Sociedades Cooperativas “S. Coop.” (F)

(Lei 27/1999, do 16 de xullo de cooperativas, Lei 3/2009, do 3 de abril de modificacións estruturais das sociedades mercantís e a lexislación propia de cada Comunidade Autónoma)

• Orixinal e fotocopia da escritura pública de constitución, en que teñen que expresarse os Estatutos que teñen que rexer o funcionamento da sociedade.
• Certificado de inscrición da sociedade no Rexistro de Sociedades Cooperativas (no seu defecto, será suficiente coa achega da escritura pública de constitución en que conste impreso o selo da inscrición rexistral).
• Fotocopia do NIF da persoa que firme a declaración censual, que ten que ser un representante da sociedade. Se é o propio interesado o que comparece ante a Administración Tributaria, non será precisa a achega de fotocopia do NIF, sempre que autorice aos órganos da AEAT a efectuar a verificación dos seus datos de identidade.
• Orixinal e fotocopia do documento que acredite a capacidade de representación de quen sinatura a declaración censual (non cumprirá se figura como tal na escritura de constitución ou nos estatutos).

Ademais da documentación anterior, as Cooperativas de crédito deberán achegar certificado da súa inscrición no Rexistro Mercantil e as Cooperativas de seguros no Rexistro especial de Entidades de Seguros. As asociacións de consumidores e usuarios que adopten a forma xurídica de sociedade cooperativa, ademais dos requisitos anteriores, deberán acreditar a súa inscrición no libro rexistro que se leva no Ministerio de Sanidade, Servizos Sociais E Igualdade ou no rexistro correspondente das Comunidades Autónomas que asumisen competencias nesta materia.