Páxina 2C. Establecementos permanentes dunha persoa xurídica ou entidade non residente
No caso de que unha persoa xurídica ou entidade non residente opere en territorio español por si mesma e por medio dun ou varios establecementos permanentes, a inscrición no Censo de Empresarios, Profesionais e Retenedores deberá realizarse tanto pola persoa ou entidade non residente como polos seus establecementos permanentes.
Este apartado C) só se cubrirá:
- ao presentar a declaración de alta para solicitar un NIF para un establecemento permanente dunha persoa xurídica ou entidade non residente que opere en territorio español por medio de establecemento permanente ou
- cando se presente unha declaración de modificación dos datos identificativos (por exemplo, ao cambiar a súa razón ou denominación social ou o seu anagrama) ou do domicilio fiscal ou de notificacións. En caso de modificación hai que marcar tamén os recadros que correspondan da 122 á 125.
O máis habitual será a asignación dun NIF definitivo xa que a documentación que se debe achegar na maioría dos casos pódese achegar sen demoras, aínda que se se trata dunha sucursal é necesaria a súa inscrición no Rexistro Mercantil, o cal faría neste caso necesario un NIF provisional. Se é o caso, a solicitude do NIF definitivo unha vez achegada toda a documentación realizarase a través dunha declaración censual de modificación marcando o recadro 120.
Cada establecemento permanente identificarase cunha denominación específica (recadro C2) que, en calquera caso, comprenderá unha referencia á persoa ou entidade non residente de que dependa (recadros C6, C7 e C8) e se lle asignará un Número de Identificación Fiscal propio e independente do asignado, se é o caso, a esta última.