Suxeito pasivo tributa exclusivamente a unha Administración tributaria Foral
En relación co suxeito pasivo que tributa exclusivamente a unha Administración tributaria Foral con ingreso de cotas IVE á importación liquidada pola Aduana, o artigo 167.Dous LIVE establece que nas importacións de bens o Imposto liquidarase na forma prevista pola lexislación aduaneira para os dereitos arancelarios.
O devandito artigo indica tamén que a recadación e ingreso das cotas do Imposto á importación efectuarase na forma que se determine regulamentariamente, onde se poderán establecer os requisitos esixibles aos suxeitos pasivos, para que poidan incluír as devanditas cotas na declaración-liquidación correspondente ao período en que reciban o documento en que conste a liquidación practicada pola Administración.
O artigo 74.1 do Real decreto 1624/1992, do 29 de decembro, que aproba o Regulamento do Imposto sobre o Valor Engadido, dispón que a recadación e ingreso das cotas tributarias correspondentes a este Imposto e liquidadas polas Aduanas nas operacións de importación de bens efectuaranse segundo o que se dispón no Regulamento Xeral de Recadación.
Malia o anterior, cando o importador sexa un empresario ou profesional que actúe como tal, e teña un período de liquidación que coincida co mes natural de acordo co que se dispón no artigo 71.3 do presente Regulamento, poderá optar por incluír a cota liquidada polas Aduanas na declaración-liquidación correspondente ao período en que reciba o documento en que conste a devandita liquidación, en cuxo caso o prazo de ingreso das cotas liquidadas nas operacións de importación corresponderase co previsto no artigo 72 deste Regulamento. No suposto de suxeitos pasivos que non tributen integramente na Administración do Estado, a cota liquidada polas Aduanas incluirase na súa totalidade na declaración-liquidación presentada á Administración do Estado.
Tratandose de suxeitos pasivos que tributen exclusivamente ante unha Administración tributario Foral, incluirase na súa totalidade nunha declaración-liquidación que presenten ante a Administración do Estado no modelo, lugar, forma e prazos que estableza o ministro de Facenda e Función Pública.
A opción (recadro 741 e 743 para a data) deberá exercerse mediante a presentación dunha declaración censual ante a Axencia Estatal de Administración Tributaria durante o mes de novembro anterior ao inicio do ano natural en que deba producir efecto, entendendose prorrogada para os anos seguintes en tanto non se produza a renuncia á mesma ou a exclusión.
A opción referirase a todas as importacións realizadas polo suxeito pasivo que deban ser incluídas nas declaracións-liquidacións periódicas.
A renuncia (recadro 742 e 743 para a data) exercerase mediante comunicación ao órgano competente da Axencia Estatal de Administración Tributaria, mediante presentación da correspondente declaración censual e deberase formular no mes de novembro anterior ao inicio do ano natural en que deba producir efecto. A renuncia terá efectos para un período mínimo de tres anos.