Recadro 502. Entregas previas ou simultáneas a adquisicións

Comunicación de inicio de actividade. Entrega de bens ou prestacións de servizos previos ou simultáneos a adquisición de bens ou servizos.

Se o inicio da realización habitual das entregas de bens ou prestacións de servizos, que constitúen o obxecto da actividade, vai ser previo ou simultáneo ao comezo da adquisición ou importación de bens ou servizos, destinados ao desenvolvemento da actividade empresarial ou profesional, marcarase o recadro 502 da declaración censual e consignarase a data de inicio (recadro 503)

Así mesmo, marcarase este recadro da declaración censual e consignarase a data de inicio polos empresarios ou profesionais que, tendo xa tal condición por vir realizando actividades de tal natureza, inicien unha nova actividade empresarial ou profesional que constitúa un sector diferenciado respecto das actividades que viñan desenvolvendo con anterioridade (véxase definición de sector diferenciado de actividade no capítulo 6, apartado “Deducións”, subapartado “Sectores diferenciados e pro rata especial” desta guía), cando o inicio da realización habitual das entregas de bens ou prestacións de servizos vai ser previo ou simultáneo ao comezo da adquisición ou importación de bens ou servizos, destinados ao desenvolvemento da actividade empresarial ou profesional.

Este recadro pode cubrirse ao mesmo tempo que o recadro 110, no caso das entidades e persoas que deben solicitar previamente o NIF. Unha entidade pode solicitar na mesma declaración de alta un NIF provisional (ou definitivo porque achegou todos os documentos esixibles) e ao mesmo tempo comunicar que inicia a súa actividade económica.

Todo aquel suxeito pasivo que comunica o seu inicio de actividade ao marcar o recadro 502 necesariamente ten que proporcionar outros datos censuais: deberá encher as páxinas do modelo censual nas que se recollen as súas obrigas para os efectos do IRPF, Imposto sobre Sociedades, Retencións, etc.