Imposto sobre o valor da produción de enerxía eléctrica

A Lei 15/2012, do 27 de decembro, de medidas fiscais para a sostibilidade enerxética creou, entre outros, o Imposto sobre o valor da produción da enerxía eléctrica.

O imposto grava a realización de actividades de produción e incorporación ao sistema eléctrico de enerxía eléctrica, a través de cada unha das instalacións inscritas no réxime ordinario e no réxime especial de produción eléctrica, incluídos o sistema eléctrico peninsular e os territorios insulares e extrapeninsulares.

A Orde HAP/703/2013, do 29 de abril, BOE do 30, aproba o modelo 583 «Imposto sobre o valor da produción da enerxía eléctrica. Autoliquidación e Pagamentos Fraccionados», e establécese a forma e procedemento para a súa presentación.

Na devandita Orde establécese que están obrigados a presentar o modelo 583 as persoas físicas ou xurídicas e as entidades a que se refire o artigo 35.4 da Lei 58/2003, do 17 de decembro, Xeral Tributaria, que realicen as actividades sinaladas no artigo 4 da Lei 15/2012, do 27 de decembro, de medidas fiscais para a sostibilidade enerxética.

Para comunicar a obriga de presentar autoliquidación polo imposto sobre o valor da produción de enerxía eléctrica (Modelo 583) utilizarase a declaración censual, modelo 036, recadro 708.