Requisitos da imputación de rendas inmobiliarias

A imputación de rendas inmobiliarias está condicionada a que os inmobles de que as devanditas rendas presuntas derivan cumpran os seguintes requisitos:

Que se trate de bens inmobles urbanos cualificados como tales no artigo 7 do texto refundido da Lei do Catastro Inmobiliario, aprobado por Real decreto Lexislativo 1/2004, do 5 de marzo (BOE do 8), non afectos a actividades económicas.
Que se trate de inmobles rústicos con construcións que non resulten indispensables para o desenvolvemento de explotacións agrícolas, gandeiras ou forestais, non afectos a actividades económicas.
O concepto de elementos patrimoniais afectos a actividades económicas coméntase no Capítulo 6.
Que non xeren rendementos delcapital. Os rendementos do capital poden derivar do arrendamento de bens inmobles, negocios ou minas ou da constitución ou cesión de dereitos ou facultades de uso ou gozo sobre bens inmobles.
Os rendementos do capital inmobiliario coméntanse no Capítulo 4.
Que non constitúan a vivenda habitual do contribuínte. Con esta finalidade, enténdense que forman parte da vivenda habitual do contribuínte as prazas de garaxe adquiridas conxuntamente co inmoble ata un máximo de dous.
Que non se trate de solo non edificado, inmobles en construción nin de inmobles que, por razóns urbanísticas, non sexan susceptibles de uso.