Gratificacións por participación en misións internacionais de paz ou humanitarias aos membros das devanditas misións e indemnizacións por operacións internacionais de paz e seguridade

Normativa: Arts. 7.o) Lei IRPF e 5 Regulamento do IRPF

Están exentas as gratificacións extraordinarias satisfeitas polo Estado español pola participación en misións internacionais de paz ou humanitarias aos membros das devanditas misións, que respondan ao desempeño das mesmas, así como as indemnizacións ou prestacións satisfeitas polos danos persoais que sufrisen durante as devanditas misións.

Tamén se declaran exentas as cantidades percibidas como consecuencia das indemnizacións aos participantes en operacións internacionais de paz e seguridade a que se refiren os artigos 1 e 2 do Real Decreto-lei 8/2004, do 5 de novembro (BOE do 10), na redacción dada pola Lei Orgánica 7/2007, do 2 de xullo (BOE do 3).