Rendementos de traballo

Reducións aplicables sobre determinados rendementos íntegros

Réxime transitorio das reducións sobre prestacións percibidas en forma de capital derivada de sistemas privados de previsión social.

En 2019 xa non é posible aplicar este réxime transitorio de redución ás prestacións percibidas en forma de capital derivada plans de pensións, mutualidades de previsión social e plans de previsión asegurada por continxencias acontecidas nos exercicios 2010 ou anteriores.

Determinación do rendemento neto reducido

Redución por rendementos de traballo

Para o exercicio 2019, co obxecto de reducir a carga impositiva dos traballadores con menores rendas, auméntase tanto o importe da redución por obtención de rendementos do traballo (ata 5.565 euros anuais) como o limiar dos rendementos netos de traballo que permiten aplicar esta redución (ata 16.825 euros).

Deste xeito, os contribuíntes que obteñan uns rendementos netos do traballo en 2019 inferiores a 16.825 euros, sempre que non teñan rendas, excluídas as exentas, distintas das do traballo superior a 6.500 euros, minorará o rendemento neto do traballo nas seguintes contías:

1. Contribuíntes con rendementos netos do traballo iguais ou inferiores a 13.115 euros: 5.565 euros anuais.
2. Contribuíntes con rendementos netos do traballo comprendido entre 13.115 e 16.825 euros: 5.565 euros menos o resultado de multiplicar por 1,5 a diferenza entre o rendemento do traballo e 13.115 euros anuais.