Saltar ao contido principal
Manual práctico de Renda 2024. Tomo 2. Deducións autonómicas

Por gastos de custodia en gardarías

Normativa: Art. 12 Texto Refundido das disposicións legais vixentes ditadas pola Comunidade Autónoma das Canarias en materia de tributos cedidos, aprobado por Decreto-lexislativo 1/2009, do 21 de abril

Contía e límite máximo da dedución

O 18 por 100 das cantidades satisfeitas no período impositivo en concepto de gastos de custodia, en gardarías autorizadas para a súa apertura e funcionamento, de descendentes menores de 3 anos de idade, cun máximo de 530 euros anuais por cada descendente.

Requisitos e outras condicións para a aplicación da dedución

  • O contribuínte ten que ser o proxenitor ou titor con quen convivan os menores de 3 anos.

    Se asimilan a descendentes aquelas persoas vinculadas co contribuínte por razón de tutela ou acollemento non remunerado, nos termos previstos na lexislación vixente.

  • Os gastos de custodia deberanse xustificar a través de factura que debe cumprir todas as condicións establecidas no Regulamento polo que se regulan as obrigas de facturación aprobado polo Real decreto 1619/2012, do 30 de novembro.

    A factura recibida polo contribuínte deberá conservarse durante o prazo de prescrición, admitindose copia da mesma no suposto de que dous ou máis contribuínte teñan dereito á dedución e non opten, ou non poidan optar, pola tributación conxunta.

  • Que os contribuíntes non obtivesen , en tributación individual, rendas por un importe superior a 45.500 euros no período impositivo.

    No suposto de tributación conxunta, este requisito entenderase cumprido se a renda da unidade familiar non excede de 60.500 euros.

    A renda  determínase pola suma da base impoñible xeral e a base impoñible do aforro, recadros [0435] e [0460] da declaración, correspondente ao exercicio en que se orixina o dereito á dedución.

  • Cando dous ou máis contribuíntes teñan dereito á dedución e non opten, ou non poidan optar, pola tributación conxunta, o seu importe ratearase entre eles por partes iguais.

  • A determinación das circunstancias persoais e familiares que deben terse en conta para a aplicación desta dedución realizarase atendendo á situación existente na data de devindicación do imposto (normalmente, 31 de decembro).

    Sen prexuízo diso , a dedución e o límite da mesma no período impositivo en que o neno cumpra os 3 anos calcularanse de forma proporcional ao número de meses en que se cumpran os requisitos previstos para a aplicación da dedución.

  • A aplicación da presente dedución queda condicionada á declaración por parte do contribuínte do número de identificación fiscal da gardaría autorizada e do importe abonado no período impositivo.

  • A base da dedución minorarase no importe das axudas concedidas polas Administracións Públicas no período impositivo de que se trate, que cubran a totalidade ou parte dos gastos que dan dereito á dedución, sempre que tales axudas teñan a consideración de renda exenta aos efectos do IRPF.