Por investimento en instalacións de recursos enerxéticos renovables

Normativa: Art. 1.Cinco Texto Refundido das disposicións legais vixentes na Rexión de Murcia en materia de tributos cedidos, aprobado por Decreto Lexislativo 1/2010, do 5 de novembro

Contía da dedución

Polos investimentos realizas no período na instalación de sistemas destinados ao aproveitamento de enerxías renovables:

• Na vivenda habitual.

  O concepto de vivenda habitual será o contemplado na normativa reguladora do IRPF.

• En vivendas destinadas ao arrendamento.

  Sempre que o arrendamento non teña a consideración de actividade económica, de acordo coa normativa reguladora do IRPF.

O contribuínte poderá deducir da cota íntegra autonómica a contía resultante de aplicar á base da dedución as seguintes porcentaxes, en función do seu réxime de tributación e da súa base impoñible total:

1. En caso de declaración individual

   (Base impoñible xeral + Base impoñible do aforro)	Porcentaxe de dedución
   Ata 35.000 euros	50 por 100
   Entre 35.000,01 e 45.000,00 euros	37,50 por 100
   Entre 45.000,01 e 60.000,00 euros	25 por 100
   A partir de 60.000,01 euros	Sen dereito

2. En caso de declaración conxunta

   (Base impoñible xeral + Base impoñible do aforro)	Porcentaxe de dedución
   Ata 50.000 euros	50 por 100
   Entre 50.000,01 e 75.000,00 euros	37,50 por 100
   Entre 75.000,01 e 95.000,00 euros	25 por 100
   A partir de 95.000,01 euros	Sen dereito

Base e límite máximo da dedución

• A base de dedución estará constituída polas cantidades satisfeitas polo contribuínte durante o exercicio pola totalidade do custo da instalación , con exclusión das axudas e subvencións percibidas para esta finalidade.

• En ningún caso o importe da dedución poderá superar os 7.000 euros.

Requisitos e outras condicións para a aplicación da dedución

• A dedución soa será aplicable aos investimentos realizados en vivendas radicadas na Rexión de Murcia.

• Só darán dereito á dedución os investimentos na adquisición e instalación na vivenda de sistemas que empreguen enerxías renovables destinadas exclusivamente ao autoconsumo para as que se presentase a declaración responsable ante o órgano competente, cando esta veña esixida pola normativa aplicable.

  No caso do sistema de aproveitamento de enerxía fotovoltaica, a dedución non será aplicable á modalidade con excedentes non acollida a compensación.

  Enténdese por enerxías renovables aquelas ás que se refire o artigo 2.a) da Directiva (UE ) 2018/2001 do Parlamento Europeo e do Consello, do  11 de decembro de  2018, relativa ao fomento do uso de enerxía procedente de fontes renovables.

• O gasto de instalación enerxética deberase xustificar a través de factura emitida por instalador habilitado, que debe cumprir todas as condicións establecidas no Regulamento polo que se regulan as obrigas de facturación aprobado polo Real decreto  1619/2012, do  30 de novembro.

• As cantidades satisfeitas aos instaladores que realicen a instalación deberán realizarse mediante tarxeta de crédito ou débito, transferencia bancaria, cheque nominativo ou ingreso en contas en entidades de crédito.

  En ningún caso darán dereito a practicar esta dedución as cantidades satisfeitas mediante entregas de diñeiro de curso legal.

• No caso de que o investimento se realice a través dunha Comunidade de Propietarios, para ter acceso á dedución por parte dos comuneiros cumprirá acreditar o devandito investimento por medio de certificado emitido polo representante legal da Comunidade , en que se indique o coeficiente de participación e as achegas económicas que corresponda a cada comuneiro.

  A dedución poderá aplicara cada un dos propietarios individualmente na porcentaxe que lle corresponda na comunidade de propietarios

• Cando exista máis dun contribuínte con dereito a practicar a dedución, o importe da mesma  ratearase na declaración de cada un deles .

  O rateo, do importe e do límite máximo da dedución , en proporción á cantidade investida, procederá cando haxa máis dun contribuínte con dereito a practicar a dedución por unha mesma vivenda.

Ámbito temporal de aplicación da dedución

A dedución será aplicada no período impositivo de realización do investimento.

De non ser iso posible por insuficiencia da cota íntegra autonómica, a cantidade restante poderá ser aplicada, como máximo, nos dous períodos impositivos posteriores.

No caso de que esta dedución concorra con outras deducións autonómicas, aplicarase en último lugar.

Importante : unha vez introducida polos contribuíntes con dereito á dedución a información necesaria para o seu cálculo, será automaticamente trasladada ao apartado “Información adicional á dedución autonómica das Illes Balears por determinados investimentos de mellora da sostibilidade da vivenda habitual, das Canarias por obras de rehabilitación enerxética da vivenda habitual, de Castilla y León por actuacións na vivenda habitual das persoas con discapacidade e para instalacións ambientais na vivenda habitual, da Rexión de Murcia por investimento en instalacións de recursos enerxéticos renovables e da Comunitat Valenciana por cantidades investidas a partir de 2023 en instalacións de autoconsumo ou de xeración de enerxía eléctrica ou térmica a través de fontes renovables”, do Anexo B.10 da declaración.