Saltar ao contido principal
Manual específico para persoas con discapacidade

Por familia numerosa

Normativa: Art. 13 Texto Refundido das disposicións legais vixentes ditadas pola Comunidade Autónoma das Canarias en materia de tributos cedidos, aprobado por Decreto lexislativo 1/2009, do 21 de abril

Contía da dedución

Con carácter xeral, o contribuínte que posúa, á data de devindicación do imposto (normalmente, o 31 de decembro), o título de familia numerosa poderá deducir a cantidade que proceda das seguintes:

  • 597 €, cando se trate de familia numerosa de  categoría xeral.

  • 796 €, cando se trate de familia numerosa de  categoría especial.

Cando algún do cónxuxes ou descendentes aos que sexa de aplicación o mínimo persoal e familiar previsto na normativa do IRPF teña un grao de discapacidade física, psíquica ou sensorial igual ou superior ao 65 %, o importe da dedución será :

  • 1.326 €, cando se trate de familia numerosa de  categoría xeral.

  • 1.459 €, cando se trate de familia numerosa de  categoría especial.

    Se a parella de feito con discapacidade igual ou superior ao 65 por cen  NON está incluída no título de familia numerosa,  xeral ou especial, a dedución que hai que practicar polo contribuínte será, respectivamente, de  597  ou  796  euros. De estar  incluída, a dedución que hai que practicar polo contribuínte será de  1.326  ou  1.459  euros, sen prexuízo do seu rateo se hai dous contribuíntes con dereito á súa aplicación.

Requisitos e condicións de aplicación

  • As condicións necesarias para a consideración de familia numerosa e a súa clasificación por categorías determinaranse de acordo co que se establece na Lei 40/2003, do 18 de novembro, de protección ás familias numerosas (BOE  do 19 de novembro).

  • O  título de familia numerosa deberá estar expedido polo órgano competente  en materia de servizos sociais do Goberno das Canarias ou polos órganos correspondentes do Estado ou doutras Comunidades Autónomas.

  • A dedución practicarase polo contribuínte con quen convivan os restantes membros da familia numerosa. Cando estes  convivan con máis dun contribuínte , o importe da dedución  ratearase por partes iguais  na declaración de cada un deles .

Compatibilidade

Esta dedución  é compatible  coa dedución "Por nacemento ou adopción de fillos".