Por coidado de familiares

Normativa: Art. 2.2  Texto  Refundido da Lei de Medidas Fiscais en materia de tributos cedidos polo Estado, aprobado por Decreto Lexislativo 62/2008, do 19 de xuño, pola Comunidade  Autónoma de Cantabria

Contía da dedución

100 € por cada un dos seguintes familiares, xa sexa o parentesco por consanguinidade ou por afinidade:

• Descendente menor de 3 anos.

• Ascendente maior de 70 anos.

• Ascendente, descendente, cónxuxe ou irmán cun grao de discapacidade física, psíquica ou sensorial igual ou superior ao 65 % de acordo co baremo a que se refire o artigo 354 do texto refundido da Lei Xeral da Seguridade Social, aprobado polo Real decreto Lexislativo 8/2015, do 30 de outubro (BOE  do 31 de outubro).

Por descendente menor de 3 anos cun grao de discapacidade igual ou superior ao 65 %, procederá aplicar unha dedución de 100 € por descendente e outros 100 € por discapacidade. De forma análoga cabe proceder cos ascendentes.

Requisitos para a aplicación da dedución

• Que o ascendente, descendente, cónxuxe ou irmán  conviva máis de 183 días do ano natural co contribuínte . Exceptúase do cumprimento deste requisito aos  menores de tres anos.

• Que o descendente ou ascendente non teña rendas brutas anuais superiores a 6.000 €. Nos supostos de discapacidade de ascendente, descendente, cónxuxe ou irmán o límite será de 1,5 veces o Indicador Público de Renda de Efectos Múltiples (IPREM). O importe do   IPREM  anual para o exercicio 2023 é de 8.400 €.

Incompatibilidade

• Esta dedución resulta  incompatible  coa aplicación da dedución autonómica “Por nacemento ou adopción de fillos ” cando ambas as dúas fagan referencia aos mesmos fillos, non sendo que se trate de fillos menores de 3 anos cun grao de discapacidade física, psíquica ou sensorial igual ou superior ao 65 %.

  A incompatibilidade coa dedución "Por nacemento ou adopción de fillos" operará no ano de nacemento ou adopción e nos dous exercicios posteriores, non sendo que se trate de fillos menores de 3 anos cun grao de discapacidade física, psíquica ou sensorial igual ou superior ao 65 %.

• En ningún caso existirá esta incompatibilidade para os ascendentes maiores de setenta anos ou para ascendentes, descendentes, cónxuxe ou irmáns cun grao de discapacidade física, psíquica ou sensorial igual ou superior ao 65 %.