Funcionamento xeral do imposto
Na aplicación do imposto polos empresarios ou profesionais pódense distinguir dous aspectos:
-
Polas súas vendas ou prestacións de servizos, repercuten aos adquirentes ou destinatarios as cotas do IVE que correspondan, con obriga de ingresaras no Tesouro.
-
Polas súas adquisicións, soportan cotas que teñen dereito a deducir nas súas autoliquidacións periódicas. En cada liquidación, declárase o IVE repercutido aos clientes, restando deste o soportado nas compras e adquisicións aos provedores, podendo ser o resultado tanto positivo coma negativo.
Se o resultado é positivo, debe ingresarse no Tesouro. Se é negativo, con carácter xeral, compénsase nas autoliquidacións seguintes. Só se ao final do exercicio, na última declaración presentada, o resultado é negativo ou se se trata de suxeitos pasivos inscritos no rexistro de devolución mensual, en calquera declaración, pódese optar por solicitar a devolución ou ben compensar o saldo negativo nas liquidacións seguintes.
Exemplo:
Neste exemplo ponse de manifesto o funcionamento do imposto. Trátase dun produto industrial cuxa cadea de produción iníciase coa venda de materias primas para a súa transformación e que termina coa venda ao consumidor final. Para simplificar, súpónse que o empresario que vende as materias primas non soportou IVE. O tipo aplicado é o actual vixente do 21 %.
| Total | 105 | ||||
| Cadea de produción | Prezo sen imposto | IVE repercutido (21 %) |
Prezo de venda | IVE soportado | IVE a ingresar |
|---|---|---|---|---|---|
| Materias primas | 100 | 21 | 121 | 0 | 21 - 0 = 21 |
| Transformación | 200 | 42 | 242 | 21 | 42 - 21 = 21 |
| Maiorista | 400 | 84 | 484 | 42 | 84 - 42 = 42 |
| Venda por retallista | 500 | 105 | 605 | 84 | 105 - 84 = 21 |
Cada un dos empresarios soportou o imposto que lle foi repercutido polo seu provedor, sendo esta cota a cantidade que poden deducir ao presentar as súas correspondentes autoliquidacións do IVE.
A repercusión final, é dicir, o imposto pago polo consumidor final en concepto de IVE, foi 105 euros, que provén de multiplicar o prezo final do produto, 500 euros, polo tipo impositivo do 21 %. Este imposto foi ingresado na Facenda Pública aos poucos por cada empresario ou profesional en función do valor engadido ao ben ou servizo na súa concreta fase de produción e distribución.
O imposto págao finalmente o consumidor final dos bens, pero quen o ingresan no Tesouro son os empresarios ou profesionais que prestan os servizos ou entregan os bens.