2.I.3. Infraccións reiteradas

Cando se trate de infraccións que inicialmente se poidan considerar menores ou de escasa importancia, as autoridades aduaneiras deberán determinar se se reiteraron infraccións de natureza idéntica. En tal caso, as autoridades aduaneiras deberán analizar se a reiteración é o resultado da acción dunha ou varias persoas concretas da empresa do solicitante ou se resulta de deficiencias estruturais nos sistemas deste . As autoridades aduaneiras teñen que determinar ademais se o tipo de infracción continúa ocorrendo, ou se a causa da mesma foi identificada polo solicitante, se foi abordada e se non volverá acontecer no futuro. Pola contra, se a infracción volvese cometerse en diversos períodos de tempo, esta circunstancia podería indicar que existe unha xestión interna desaxeitada da empresa en relación coa adopción de medidas para previr a reiteración de tales infraccións.

No caso das infraccións reiteradas relativas á normativa fiscal, deberase ter en conta a definición establecida pola autoridade fiscal competente.