2.III.1. Disposicións xerais

Como se indica no artigo 39, letra c), do CAU, o AEO ten que demostrar a súa solvencia financeira, a cal se considerará acreditada cando o solicitante teña un bo nivel financeiro que lle permita cumprir os seus compromisos, tendo debidamente en conta as características do tipo de actividade de que se trate. O artigo 26 do AE CAU, que describe con maior precisión as expectativas da AAE en relación co criterio establecido no artigo 39, letra c), do CAU, tén quese entender neste sentido.
Para comprobar se o solicitante cumpre o criterio que figura no artigo 26 do AE CAU, as autoridades aduaneiras terán en conta o seguinte:

1. o solicitante non está incurso nun procedemento concursal;
2. durante os últimos tres anos anteriores á presentación da solicitude, o solicitante cumpriu as súas obrigas financeiras en relación co pagamento dos dereitos de aduana e todos os demais dereitos, tributos ou gravames recadados sobre a importación ou exportación de mercadorías ou en relación con elas;
3. o solicitante demostra sobre a base dos rexistros e da información dispoñible para os tres últimos anos anteriores á presentación da solicitude que dispón de capacidade financeira suficiente para cumprir as súas obrigas e facer honor aos seus compromisos relativos á natureza e ao volume das actividades comerciais, en particular non dispor de activos netos negativos, agás no caso de que poidan cubrirse.

Se o solicitante leva establecido menos de tres anos, a súa solvencia financeira avaliarase baseandose nos rexistros e a información dispoñible.

Convén sinalar que o termo «insolvencia» no sentido da presente sección das Orientacións non debería considerarse un sinónimo de «quebra», que significa a incapacidade ou mingua da capacidade dunha empresa, declarada legalmente, xeralmente por un Tribunal, para facer fronte ao pagamento dos seus acredores. No tocante á este criterio, faise máis fincapé no significado técnico da insolvencia e no posible risco de que, debido á súa situación económica e financeira, un operador económico non poida atender ás súas débedas. Neste contexto, deberase considerar e avaliar detidamente todo indicio de incapacidade ou posible incapacidade futura do operador económico de cumprir as súas obrigas financeiras.