2.V.8. Programas de sensibilización en materia de seguridade
Para evitar unha sensibilización desaxeitada no referente aos requisitos de seguridade, o solicitante garantirá que «o persoal cuxas responsabilidades garden relación coas cuestións de seguridade participa regularmente en programas de sensibilización sobre tales cuestións». O solicitante deberá formular mecanismos encamiñados a instruír e formar o persoal en políticas de seguridade, recoñecemento de desviacións respecto de tales políticas e coñecemento das accións que deben emprenderse en resposta ás deficiencias que existan no ámbito da seguridade.
En particular, o solicitante deberá:
- Formar ao seu persoal e, se é o caso, aos seus socios comerciais, respecto dos riscos existentes na cadea de subministración internacional.
- Proporcionar material docente, orientación especializada e formación axeitada sobre a identificación de cargas presuntamente sospeitosas a todo o persoal pertinente que interveña na cadea de subministración, como o persoal de seguridade, o encargado da manipulación e a documentación da carga e os empregados das áreas de expedición e recepción. Tal formación deberá encontrarse dispoñible antes de que o operador económico solicite o estatuto de AEO.
- Manter rexistros axeitados dos métodos docentes, as orientacións facilitadas e a formación impartida, co fin de documentar os programas de sensibilización.
- Dispor dun servizo ou unha persoa (internos ou externos á empresa) que se encarguen da formación do persoal.
- Informar os empregados dos procedementos existentes na empresa para identificar e comunicar incidentes sospeitosos.
- Impartir formación específica para axudar os empregados a manter a integridade da carga, recoñecer posibles ameazas internas á seguridade e protexer os controis de acceso.
- Revisar e actualizar o contido da formación de maneira periódica cando se precisen axustes. O contido da formación deberá reflectir calquera esixencia específica relacionada coa actividade empresarial concreta do operador económico, como transporte de carga aérea, correo aéreo, etc.
Non existe unha frecuencia obrigatoria coa que deba volver impartirse formación sobre protección e seguridade.
Porén, xa que o persoal, os edificios, os procedementos e os fluxos poden cambiar con frecuencia, os niveis de sensibilización teñén quese manter asegurandose de que a formación se renova e actualiza periodicamente.
Por outra banda, é obrigatorio que todos os novos empregados e todo empregado da empresa que se asigne por vez primeira a un posto relacionado coa cadea de subministración internacional reciban unha formación axeitada.
Loxicamente, os mecanismos de educación e formación do persoal en políticas de seguridade mencionada máis arriba deben ser acordes co tamaño da empresa de que se trate (véxase a parte 3, sección III, apartado 3.III.2, «Pequenas e medianas empresas »). Por exemplo, no caso das microempresas e as pemes, as autoridades aduaneiras poden aceptar unha formación oral, en calquera caso documentado, e unha mención aos requisitos básicos de protección e seguridade nos procedementos xerais nesta materia, ou unha nota sinxela de sensibilización, aprobada polo persoal competente.
Ao mesmo tempo, a frecuencia e a intensidade da formación en seguridade e protección poderán variar entre os distintos empregados dunha empresa de acordo coa súa responsabilidade e ás súas respectivas posibilidades de influír na seguridade da cadea de subministración internacional.
Anímase os solicitantes e aos seus empregados a utilizar a ferramenta da Comisión AEO eLearning para entender de maneira xeral o concepto de AEO e os requisitos de seguridade relacionados.