Sección V: Nivel axeitado de competencia ou de cualificacións profesionais

[Artigo 39, letra d), do CAU; artigo 27 do AE CAU ; Orientacións AEO, parte 2, sección IV]

Nota :

Esta sección refírese ao criterio sobre o nivel axeitado de competencia ou de cualificacións profesionais para o AEO. Unicamente debe vostede completara se vai solicitar o AEOC.

A fin de cumprir o criterio mencionado no artigo 27 do AE CAU, vostede ou a persoa encargada dos seus asuntos aduaneiros deberán satisfacer un dos niveis prácticos de competencia seguinte: unha experiencia práctica demostrada dun mínimo de tres anos en asuntos aduaneiros ou unha norma de calidade relativa a asuntos aduaneiros adoptada por un organismo de normalización europea. Alternativamente, o solicitante ou a persoa encargada dos asuntos aduaneiros do solicitante deberán cursar con éxito unha formación sobre a lexislación aduaneira coherente e pertinente na medida da súa participación en actividades relacionadas coas aduanas, facilitada por calquera das entidades enumeradas no artigo 27, apartado 1, letra b), do AE CAU.

Neste contexto, a persoa encargada dos asuntos aduaneiros é a mencionada no punto 1.1.3 do CAE e as súas Notas explicativas.

5.1.1.

No apartado 2.IV.2.1 das Orientacións AEO indícanse posibles maneiras de probar a experiencia práctica mínima de tres anos.

5.1.2.

Cando se redactaron as Notas explicativas, a elaboración das normas de calidade relativa aos asuntos aduaneiros adoptados por un organismo europeo de normalización non concluíra.

5.2.1.

No referente á formación en lexislación aduaneira coherente e pertinente co seu grao de participación en actividades de carácter aduaneiro, convén sinalar que non se pode ofrecer en todos os Estados membros. O operador económico pode seguir unha formación en calquera Estado membro da UE.