Anexo 4

Exemplos de información que se ten que poñer en coñecemento das autoridades aduaneiras

En aplicación do artigo 23, apartado 2, do CAU, «o titular da decisión informará sen demora ás autoridades aduaneiras de calquera elemento que xurda tras a adopción da decisión, que poida influír no seu mantemento ou o seu contido».

Este documento ten por obxectivo axudar aos AEO a identificar algunhas das situacións que poden influír no contido da autorización AEO ou nos criterios que teñen que cumprir de conformidade co artigo 39 do CAU.

O presente anexo non é unha lista de verificación exhaustiva, senón unha ferramenta indicativa destinada a axudar os operadores nas súas relacións coas autoridades aduaneiras para a xestión das súas autorizacións AEO.

Se o operador económico considera que un feito non enumerado a continuación podería influír na súa autorización AEO, deberá informar ás autoridades aduaneiras. Por outra banda, informar ás autoridades aduaneiras competentes non exime ao operador económico de ningunha outra obriga de notificación.

O alcance da información que se ten que notificar ás autoridades aduaneiras depende do tipo de autorización AEO: AEOC ou AEOS.

De feito, o AEOC non ten que cumprir os requisitos recollidos no artigo 39, letra e), do CAU e o artigo 28 do AE CAU, e ao AEOS non lle afectan os requisitos recollidos no artigo 39, letra d), do CAU e o artigo 27 do AE CAU.

Exemplos de información que se ten que transmitir ás autoridades aduaneiras

Información xeral

Calquera modificación relacionada con:

Nome da empresa
Estatuto xurídico
Fusión ou escisión
Domicilio social
Enderezo para correspondencia (no caso de que sexa diferente do enderezo do establecemento)
Enderezo para correspondencia para as comunicacións ARM (no caso de que sexa diferente do enderezo do establecemento)
Persoa de contacto
Venda ou peche da empresa
Sector de actividade económica e / ou función na cadea de subministración

Cumprimento [artigo 39, letra a), do CAU e artigo 24 do AE CAU]

Calquera infracción grave ou repetida da lexislación aduaneira ou a normativa fiscal ou calquera delito grave relacionado coa actividade económica (p. ex., condena por fraude, suborno, corrupción) por:
- o solicitante,
- a persoa encargada da empresa solicitante ou que controle a súa xestión;
- o empregado encargado dos asuntos aduaneiros do solicitante.
Modificación da xestión ou a estrutura da empresa; por exemplo, cambio de propietario, cambio da persoa encargada do solicitante ou de controlar a súa xestión ou os seus novos empregados encargados dos asuntos aduaneiros,
Calquera procedemento penal pendente por infracción da lexislación aduaneira ou a normativa fiscal ou por infracción penal relacionada coas actividades económicas.

Sistema satisfactorio de xestión dos rexistros comerciais e de transporte [artigo 39, letra b), do CAU e artigo 25 do AE CAU]

Cambios ou actualizacións dos sistemas contables ou loxísticos
Mal funcionamento do sistema contable (p. ex., perda de datos contables, falta de rastreabilidade, etc.)
Contas non certificadas por un auditor externo
Perda de rexistros
Deficiencias de funcionamento das auditorías cruzadas
Perda ou destrución de arquivos contables, comerciais ou de transporte
Perda ou destrución de copias de seguridade electrónicas de datos contables, comerciais ou de transporte
Incapacidade de distinguir entre mercadorías da Unión e mercadorías non pertencentes á Unión debida, por exemplo, a un fallo do software utilizado
Incapacidade de xestionar os controis internos
Detección dunha irregularidade importante durante un control interno
Medidas correctivas para pór remedio ás irregularidades detectadas
Novo proceso para traballar cun produto que requira licenzas e autorizacións acordes coas medidas de política comercial ou en relación co comercio de produtos agrícolas
Nova situación dos arquivos
Uso dun código de mercadoría erróneo - Uso dun valor de mercadoría erróneo
Transformación de mercadorías en depósito temporal, por accidente - Calquera problema coa almacenaxe temporal ou o depósito aduaneiro relacionado coas actividades aduaneiras
Transformación de mercadorías en réxime de tránsito, por accidente
Detección dunha acumulación de erros de traballo
Incumprimento de prohibicións ou restricións
Detección de intrusión nos sistemas informáticos
Graves deficiencias de funcionamento das medidas de seguridade informática
Avaría grave do sistema informático
Novo proceso para tratar os produtos cubertos por prohibicións ou restricións

Solvencia financeira [artigos 39, letra c), do CAU e 26 do AE CAU]

AEO suxeito a algún procedemento de insolvencia
Incidentes nos pagamentos relacionados cos dereitos aduaneiros ou outros dereitos e a normativa fiscal respecto da importación ou exportación de mercadorías
Calquera cambio negativo da situación financeira, incluídos os activos netos negativos que non se poidan recuperar
Perda de clientes importantes
Perda de mercados importantes
Perda de licenzas de franquías, de concesións, de comercialización ou comerciais
Informes negativos do auditor externo ou conclusións negativas das auditorías financeiras anuais

Nivel axeitado de competencia ou de cualificacións profesionais [artigos 39, letra d), do CAU e 27 do AE CAU]

Calquera cambio relativo á persoa encargada dos asuntos aduaneiros
Perda ou adquisición dunha norma de calidade en materia aduaneira adoptada por un organismo europeo de normalización
En caso de designación dun novo empregado encargado dos asuntos aduaneiros, presentación de probas de que recibiu unha formación axeitada en asuntos aduaneiros

Niveis de seguridade e protección [artigos 39, letra e), do CAU e 28 do AE CAU]

Adquisición de novas instalacións ou novos edificios ou mudanza
Novo plan de seguridade; novo proceso ou novas medidas de seguridade para acceder ás oficinas, zonas de expedición, peiraos de carga, zonas de cargamento
Calquera incidente de seguridade grave (p. ex., intrusión de persoas non autorizadas, roubo, etc.) e medidas correctivas adoptadas en resposta
Información respecto dunha cuestión de seguridade relacionada coa aplicación de procedementos internos (p. ex., unha inspección de sete puntos que revelou a existencia dun falso solo / fondo; reparacións inusuais, etc.)
Incidente grave durante o transporte de mercadorías
Dificultades na consecución de socios comerciais - Detección de fraude ou malas prácticas / neglixencia dos socios comerciais
Información obtida das verificacións de antecedentes do empregado, con impacto negativo na protección e a seguridade
Dificultades na consecución de provedores de servizos externos
Dificultades para executar un programa de sensibilización previsto e presentado ás aduanas durante unha auditoría anterior
Cambios relativos á persoa de contacto para asuntos de protección e seguridade, como cambio da persoa de contacto, cambios de nome, etc.

Temas relacionados

Que cambios poderían influír en varios criterios?

Hai algúns cambios que poderían influír no cumprimento de múltiples criterios das autorizacións.

Nese caso, recoméndase encarecidamente que os AEO informen ás autoridades aduaneiras competentes con antelación suficiente para anticiparse á situación e determinar as mellores solucións para abordara.

Que información pode influír nas condicións de aceptación inicial da solicitude?

Por veces, un AEO cambiará de actividade económica tras ser autorizado como AEO, por exemplo deixando de realizar operacións relacionadas con asuntos aduaneiros ou deixando de realizar actividades relacionadas coa cadea internacional de subministración (por exemplo, cando o AEO opera exclusivamente a nivel nacional ou europeo).

Espérase que os AEO informen a seu AAE no caso de que se produza algúns destes cambios, co fin de buscar a solución máis apropiada para dar resposta a cada situación particular.

Como pode un AEO levar un seguimento interno da súa autorización para asegurarse de non deixar de notificar ningunha información importante?

A persoa de contacto do AEO desempeñará un papel importante no seguimento do cumprimento dos criterios de AEO na empresa. Dependendo do tamaño desta última, pódense implementar diferentes xeitos de organización para velar polo axeitado seguimento da actualización AEO (p. ex., reunións periódicas, actualizacións periódicas dos procedementos cos departamentos pertinentes da empresa, recurso a un sistema electrónico de xestión de documentos, etc.).

A quen teñén quese notificar estes cambios?

Cada autoridade aduaneira competente pode determinar os mellores procedementos (punto de contacto local, rexional ou nacional) tendo en conta o seu tamaño e a súa organización.
Recoméndase encarecidamente que as autoridades aduaneiras competentes faciliten un punto de contacto dentro da Administración aduaneira ao que se lle deberá notificar toda a información dos operadores.

Cando a autorización AEO abarque instalacións de máis dun Estado membro,

Como tén quese transmitir a información ás autoridades aduaneiras competentes?

As autoridades competentes do Estado deberán determinar que métodos de transmisión de información aceptan e informar ao AEO do punto de contacto designado na administración. Para comunicar estes cambios, as autoridades aduaneiras competentes poderán recomendar os métodos que consideren mellores (p. ex., correo electrónico, carta formal ou un cadro de persoal).

Impacto destes cambios no seguimento da autorización por parte da AAE :

De acordo coa información transmitida polo AEO , a AAE determinase se é ou non necesario adoptar algunha medida específica, como unha auditoría de seguimento ou unha auditoría de reavaliación.

No caso de que os cambios considérense menores, a AAE tamén pode considerar que non é preciso adoptar máis medidas.