Comunidade Autónoma de Cantabria

Bonificación xeral

Normativa: Art. 4 bis e disposición adicional terceira Texto Refundido das disposicións legais da Comunidade Autónoma de Cantabria en materia de tributos cedidos polo Estado, aprobado por Decreto Lexislativo 62/2008, do 19 de xuño

Atención: con efectos a partir do 1 de xaneiro de 2024 establécese unha bonificación do 100 por 100 da cota minorada para os contribuíntes do IP cuxo patrimonio neto non sexa superior a 3.000.000 de euros, unha vez descontado o mínimo exento de 700.000 euros, que non sexan contribuíntes polo ITSGF.

O 100 por 100 da cota minorada. O importe que corresponda por esta bonificación consignarase no recadro [50] do modelo de declaración.

Esta bonificación non será de aplicación cando o patrimonio neto do suxeito pasivo sexa superior a 3.000.000 de euros unha vez descontado o mínimo exento de 700.000 euros, mentres estea vixente o Imposto Temporal de Solidariedade de Grandes Fortunas.

No seu lugar, o contribuínte poderá aplicar unha bonificación autonómica determinada pola diferenza, se a houber, entre a total cota íntegra do propio Imposto, unha vez aplicado o límite conxunto establecido no artigo 31 da Lei 19/1991, do 6 de xuño, do Imposto sobre o Patrimonio (isto é, a cota do IP e as cotas do IRPF), e, se é o caso, a total cota íntegra que correspondería ao Imposto Temporal de Solidariedade das Grandes Fortunas, unha vez aplicado o límite conxunto establecido no artigo 3.Doce da Lei 38/2022, do 27 de decembro (é dicir, a cota íntegra do ITSGF , canda as cotas do IRPF e do IP).

Con esta finalidade, teñase en conta que o Real Decreto-lei 8/2023, do 27 de decembro prorrogou a aplicación do ITSGF , aprobado pola Lei 38/2022, do 27 de decembro, en principio previsto só para os períodos impositivos 2022 e 2023.