Principais Novidades

• Prazo de presentación de declaracións:

  O prazo de presentación das autoliquidacións do Imposto sobre o Patrimonio do ano 2024, calquera que sexa o seu resultado (a ingresar ou negativa), é o comprendido entre os días 2  de abril e 30 de xuño de 2025, ambos os dous incluídos.

  Non obstante, se o resultado da declaración é a ingresar e o seu pagamento domicíliase en conta a presentación non poderá realizarse con posterioridade ao día 25 de xuño de 2025.

• Base liquidable: redución por mínimo exento

  • Con efectos desde o 1 de xaneiro de 2024, a Comunidade Autónoma das Illes Balears elevou o mínimo exento de 700.000 a 3.000.000 euros.

  • A Comunidade Autónoma de Extremadura adaptou as referencias realizadas á incapacitación xudicial, para os efectos da aplicación do mínimo exento, ás resolucións xudiciais en que se establece a curadoría representativa das persoas con discapacidade, tal e como establece a Lei Lei 8/2021 de reforma do Código Civil.

• Escalas autonómicas

  Como consecuencia da prórroga do ITSGF levada a cabo por Real Decreto-lei 8/2023, do 27 de decembro, en 2024 continúan sendo aplicables as escalas aprobadas con carácter transitorio, para a súa aplicación durante a vixencia do devandito imposto, polas Comunidades Autónomas de Cataluña e Galicia.

  A Comunidade Autónoma de Andalucía, a través da Lei 7/2024, do 23 de decembro do Orzamento para o ano 2025, deixou sen efecto a escala de gravame autonómica establecida no artigo 25 da Lei 5/2021, do 20 de outubro, de xeito que se aplique de maneira supletoria a escala regulada polo artigo 30 da Lei 19/1991, do 6 de xuño, do Imposto sobre o Patrimonio. 

• Bonificacións autonómicas

  • A Comunidade Autónoma de Andalucía modificou o réxime transitorio aplicable mentres estea vixente o ITSGF, de maneira que no que fai ás bonificacións autonómicas, nou será aplicable a bonificación xeral establecida no artigo 25 bis da Lei 5/2021, senón que, no seu lugar o contribuínte poderá aplicar na cota resultante do imposto sobre o patrimonio unha bonificación determinada pola diferenza, se a houber, entre a total cota íntegra do propio imposto, unha vez aplicado o límite conxunto establecido no artigo 31 da Lei 19/1991, do 6 de xuño e, se é o caso, a total cota íntegra que correspondería ao imposto temporal de solidariedade das grandes fortunas, unha vez aplicado o límite conxunto establecido no artigo 3. Doce da Lei 38/2022, do 27 de decembro.

  • A Comunidade Autónoma de Cantabria aprobou unha bonificación xeral do 100 por 100 da cota minorada, aínda que a mesma non será de aplicación cando o patrimonio neto do suxeito pasivo sexa superior a 3.000.000 euros unha vez descontado o mínimo exento de 700.000 euros e a súa mera tenza constitúa o feito impoñible dun imposto estatal (o ITSGF). Nestes casos, no seu lugar, aplicarase unha bonifcación determinada pola diferenza, se a houber, entre a total cota íntegra do propio imposto, unha vez aplicado o límite conxunto establecido no artigo 31 da Lei 19/1991, do 6 de xuño, e a total cota íntegra correspondente ao ITSGF , unha vez aplicado o límite conxunto establecido no artigo 3. Doce da Lei 38/2022, do 27 de decembro.

  • Así mesmo, teñase en conta que como consecuencia da ampliación ao período impositivo 2024 do ITSGF realizada polo Real Decreto-lei 8/2023, do 27 de decembro, continúa sendo aplicable o réxime transitorio aprobado en 2023 polas Comunidades Autónomas de Andalucía, Galicia e Madrid para os efectos da aplicación das súas bonificacións autonómicas. Teñase en conta que a Comunidade Autónoma de Andalucía modificou o citado réxime transitorio con efectos no Imposto sobre Patrimonio de 2024.