Saltar ao contido principal

Documentación para confeccionar Renda 2024 en OFICINA

Se concertaches  CITA para confeccionar EN OFICINA a túa declaración de Renda:

Anula a túa cita se non  podes acudir (24 horas antes)

LEMBRA levar os DATOS E DOCUMENTOS para poder realizar a CITA:

  • Para atenderche persoalmente nas nosas oficinas, cómpre concertar cita.

  • Debes levar a documentación sobre a túa situación persoal e en todo caso:

    • DNI orixinal do titular que acode á cita e fotocopia do DNI de todos os que figuren na declaración.

    • Número IBAN de conta bancaria.

    • As referencias catastrais de todos os inmobles da túa propiedade ou en que vivas de alugamento ou noutras circunstancias (recibo do IBI ).

    • Autorización asinada por outros declarantes e a súa fotocopia do DNI (membros da unidade familiar ou terceiros) para realizar e se é o caso presentar a declaración no seu nome.

      Modelo de autorización

  • Calquera xustificante que puidese dar dereito a deducións autonómicas ou outras beneficio fiscal. Así:

    • Se vives nun inmoble alugado necesitas o NIF do arrendador e as cantidades pagas polo alugamento.

    • Por adquisición de vivenda habitual con ampliación do préstamo: os saldos pendentes de amortizar do préstamo orixinal.

    • Con hipoteca: os recibos dos seguros.

    • Por donativos: os xustificantes, etc.

ADEMAIS, debes preparar os documentos seguintes se percibiches algunhas destas rendas e non aparecen imputadas nos teus datos fiscais:

  • Certificado emitido polo pagador.

  • Importe das cotas satisfeitas a sindicatos e das cotas satisfeitas a colexios profesionais (se a colexiación é obrigatoria).

  • Gastos de defensa xurídica por litixios suscitados na relación do contribuínte coa persoa de que percibe os rendementos.

  • Xustificantes de ingresos (contratos …) e gastos deducibles (facturas …) polos alugamentos de pisos, locais, prazas de garaxe …de que sexas propietario ou usufrutuario.

  • Para axudarche a relacionar todos os datos cobre o seguinte documento:

    Modelo de datos de alugamento de inmobles

  • Certificados de empresas, entidades financeiras e de seguros; contratos; recibos de gastos nas transmisións de letras do tesouro, obrigas ou outros activos financeiros; etc.

  • Se percibiches un seguro contratado antes do 31/12/1994, o importe do capital recibido.

  • Documentos acreditativos dos elementos ou parámetros da actividade utilizados durante o ano. P. ex.: persoal empregado, consumo de enerxía eléctrica, superficie do local, potencia fiscal do vehículo, ingresos, libros de bens de investimento, etc.

  • Datas e escrituras ou documentos de adquisición e transmisión.

  • Importes reais, gastos e tributos de adquisición e transmisión.

  • Datos de préstamos hipotecarios e  capital pendente de amortizar a data de transmisión, se existisen (para aplicar a exención por reinvestimento en vivenda habitual).

Relaciona os datos necesarios no seguinte documento:

Modelo de datos de transmisión de inmobles

Se non achegas estes datos non se che poderá realizar a declaración.

  • Datas e escrituras ou documentos de adquisición e transmisión.

  • Importes reais, gastos e tributos de adquisición e transmisión.

  • Certificados de fondos de investimento.

  • Xustificantes de premios, xustificantes de subvencións…

En caso de transmisión de inmobles, relaciona os datos necesarios no seguinte documento:

Modelo de datos de transmisión de inmobles

Se non achegas estes datos non se che poderá realizar a declaración.