Beneficiarios

Os afectados pola DANA que se indican a continuación poden contar con máis tempo para poder presentar as próximas declaracións tributarias e para afrontar os próximos pagamentos.

Os  beneficiarios  desta extensión de prazos son os seguintes:

• Obrigados tributarios que non desenvolvan actividades económicas.

• Obrigados tributarios que desenvolvan actividades económicas cuxo volume de operacións en 2023 non superase os 6.010.121,04 euros (incluídos grupos co mesmo límite de volume de operacións para o conxunto de entidades que os integren).

Que, a 28 de outubro de 2024 tivesen o seu domicilio fiscal, ou establecemento de explotación, ou inmobles declarados afectos á actividade, en calquera dos municipios afectados pola DANA .

En relación cos grupos de entidades, entenderase cumprido este requisito cando a entidade dominante ou representante, ou calquera das entidades dependentes estea domiciliada, teña alí o seu establecemento de explotación ou bens inmobles afectados á súa actividade no devandito ámbito territorial.

Ver listaxe de municipios afectados pola DANA

Non se esixe a presentación de ningunha solicitude para que se aplique a ampliación dos prazos. A ampliación aplicarase por defecto.