Declaracións cuxo prazo para presentar e, se é o caso, ingresar amplíase ata o 30 de xaneiro de 2025

As declaracións e autoliquidacións  tributarias (incluídas as de IIEE e ambientais), cuxo prazo de presentación orixinal finalizase entre o  28 de outubro e o 31 de decembro de 2024 poderán presentarse ata o 30 de xaneiro de 2025.

Exceptúanse:

• Os prazos de presentación e ingreso en período voluntario derivados de declaracións reguladas polo código aduaneiro da Unión e / ou pola súa normativa de desenvolvemento.

  Non se amplían os prazos de declaración nin de ingreso en período voluntario da débeda aduaneira nin dos demais conceptos tributarios (IVE, IIEE e ambientais) liquidados no procedemento de declaración.

• Autoliquidación dos réximes especiais aplicables aos suxeitos pasivos que presten servizos a persoas que non teñan a condición de suxeitos pasivos, que efectúen vendas a distancia de bens e certas entregas interiores de bens (modelo 369).

• A declaración recapitulativa de operacións intracomunitarias (modelo 349).

• Ás declaracións de intercambio de bens dentro da Unión Europea regulada na Orde HFP/1480/2021, do 28 de decembro (Intrastat).