Forma e procedemento

Podes outorgar o poder para a realización de trámites e actuacións por Internet ante a Axencia Tributaria das formas seguintes:

1. Por Internet, mediante o uso de sinatura electrónica admitida pola Axencia Estatal de Administración Tributaria.

   Esta opción permite a calquera suxeito obrigado tributario apoderar a unha persoa física ou xurídica para que esta última (persoa apoderada) poida realizar por Internet, co seu propio certificado electrónico de usuario, calquera dos trámites e actuacións en materia tributaria que se encontren habilitados para ese fin, relativos a quen outorgou o poder (mandante). Permítese que non só o propio suxeito obrigado tributario sexa quen poida realizar o trámite ou actuación, senón que tamén a persoa apoderada poida realizaro co seu propio certificado electrónico en nome do mandante.

2. Por comparecencia persoal do mandante nas Delegacións e Administracións da Axencia Estatal de Administración Tributaria.

   Se o mandante opta por comparecer persoalmente nas Delegacións e Administracións da Axencia Estatal de Administración Tributaria para outorgar o apoderamento a unha terceira persoa, iso formalizarase mediante o emprego do formulario do Anexo I Nova xanela da Resolución do 9 de marzo de 2018, da Dirección Xeral da Axencia Estatal de Administración Tributaria, pola que se modifica a do 18 de maio de 2010.

3. Mediante documento público ou documento privado con sinatura lexitimada notarialmente, presentado ante a Axencia Estatal de Administración Tributaria.

   Nestes casos o documento de acreditación do apoderamento deberá axustarse ao contido recollido no formulario do Anexo I Nova xanela da Resolución do 9 de marzo de 2018, da Dirección Xeral da Axencia Estatal de Administración Tributaria, pola que se modifica a do 18 de maio de 2010.