Normas de funcionamento

III. Funcionamento do Foro de Empresas, Institucións e Entidades Públicas

O Foro poderá funcionar en Pleno ou a través dos seus Grupos de Traballo.

III.1. Pleno

1. O Pleno estará integrado pola totalidade dos seus membros, baixo a dirección da Presidencia e asistido pola Secretaría Técnica.

Excepcionalmente, a instancia de calquera dos membros do Foro e previa convocatoria da Presidencia, poderán asistir ás reunións do Pleno outro persoas cuxa presenza se considere conveniente polos asuntos que hai que tratar.

2. O Pleno celebrará sesión ordinaria polo menos unha vez ao semestre. Efectuarase a convocatoria pola Presidencia, a través da Secretaría Técnica, cunha antelación mínima de quince días naturais.

3. Poderán celebrarse sesións extraordinarias do Pleno, que serán convocadas pola Presidencia, a través da Secretaría Técnica, cunha antelación mínima de setenta e dúas horas, en calquera dos seguintes supostos:

1. Por iniciativa propia da Presidencia.

2. A petición de polo menos cinco representantes das empresas, institucións ou entidades públicas pertencentes ao mesmo, que deberán propor a inclusión de temas a debater na Orde do día.

4. Á convocatoria, que conterá a orde do día da sesión, acompañarase a documentación específica sobre os asuntos a tratar. A Presidencia poderá modificar a orde do día ou remitir a documentación complementaria que considere conveniente ata corenta e oito horas antes da celebración da sesión.

5. Para a válida constitución do Pleno será necesaria, ademais da presenza da Presidencia e a Secretaría Técnica, a de polo menos a metade dos representantes, titulares ou suplentes, da Administración Tributaria e da metade dos representantes, titulares ou suplentes, das empresas, institucións ou entidades públicas adheridas.

6. Nas sesións ordinarias poderá ser obxecto de deliberación calquera tema non incluído na Orde do día, sempre que, a proposta da Presidencia, así se acorde polos membros presentes ao dar comezo a sesión.

7. Os acordos adoptaranse sempre por consenso dos asistentes ás reunións do Pleno.

8. Ao termo de cada sesión redactarase unha acta pola Secretaría Técnica, que será remitida aos membros do Foro para o seu visto e prace ou a realización das observacións que estimen oportunas.

Na acta especificaranse os asistentes á sesión, a orde do día, as circunstancias do lugar e tempo en que se celebrou, os puntos principais das deliberacións, así como o contido dos acordos acadados.

Tras a súa aprobación no seguinte pleno, a acta será asinada pola Secretaría Técnica co visto e prace da Presidencia e remitida aos membros do Foro para o seu coñecemento.

9. As sesións do Foro poderán celebrarse en calquera lugar que decida a Presidencia, coa conformidade dos representantes dos demais membros participantes.

III.2. Grupos de traballo

1. O Pleno do Foro poderá acordar a creación de grupos de traballo e a súa supresión, e determinará as súas misións, competencias e réxime de funcionamento.

2. Os representantes dos grupos de traballo serán designados, no caso da Administración Tributaria do Estado pola Presidencia ou a Dirección Xeral da Axencia Tributaria entre os empregados públicos da mesma, e no caso das entidades da administración institucional, mediante nomeamento realizado polo seu Consello de administración ou órgano superior de administración, así como polas persoas en que deleguen quen ostenten a representación legal da entidade, entre os empregados das mesmas.

Excepcionalmente, a instancia de calquera dos membros dos Grupos de Traballo e previa convocatoria da Secretaría Técnica do Foro, poderán asistir ás reunións dos Grupos outros persoas cuxa presenza se considere conveniente de acordo aos asuntos a tratar.

3. O acordo de creación dos Grupos de traballo establecerá o prazo en que se deberá cumprir co encargo que se lle encomendase.

4. Aos Grupos de Traballo asistirá a persoa titular da Secretaría Técnica do Foro ou aqueloutra funcionaria da Axencia Tributaria en que delegue, que desempeñará as funcións de secretaría na forma prevista nas presentes normas de funcionamento.

5. O resultado dos traballos dos Grupos será entregado á persoa titular da Presidencia do Foro para a súa inclusión na orde do día da seguinte sesión do Pleno.