Definicións e conceptos

Dadas as peculiaridades deste modelo informativo é preciso a xeito introdutorio definir unha serie de conceptos xerais:

• Grupo: Un grupo de empresas é aquel formado por unha entidade dominante e todas os dependentes. Existe grupo cando unha entidade ostenta ou poida ostentar o control doutra ou outras, segundo os criterios establecidos no art 42 do Código de Comercio, con independencia da súa residencia e da obriga de formular contas anuais consolidadas.

  A información país por país resulta esixible cando o importe neto da cifra de negocios do conxunto de persoas e entidades que forman parte do grupo, nos doce meses anteriores ao inicio do período impositivo, sexa, polo menos, de 750 millóns de euros.

• Grupo multinacional (obxecto desta estatística): calquera grupo que conste de dous ou máis empresas cuxa residencia fiscal se encontre en xurisdicións diferentes, ou que estea composto por unha empresa residente a efectos fiscais nunha xurisdición e que tribute noutra xurisdición polas actividades realizadas a través dun establecemento permanente.
• Subgrupo: Un subgrupo está formado polo conxunto de entidades integrantes combinadas dun grupo de empresas multinacionais que operan nunha mesma xurisdición fiscal.
• Entidade matriz última (UPE): Entidade que posúe directa ou indirectamente unha participación suficiente nunha ou máis entidades do grupo de empresas multinacionais, polo que está obrigada a presentar a información país por país.

  Entidade residente en territorio español que teña a condición de dominante dun grupo e non sexa ao mesmo tempo dependente doutra entidade, residente ou non residente.