Os tipos efectivos

Estímase que o tipo medio efectivo sobre a renda e o gasto medrou un 2,4% en 2024, ata o 15,5% (Gráficos 1.18 e 1.19 e Cadro 1.3 ). Trátase dunha estimación provisional, á espera de coñecer os importes das declaracións anuais do IRPF e do Imposto sobre Sociedades, información que estará dispoñible, na súa maior parte, entre xuño e xullo de 2025. A subida dos tipos procede, principalmente, do aumento dos tipos asociados ás rendas do traballo (consecuencia do incremento das rendas medias) e da recuperación dos tipos no IVE da electricidade, gas e alimentos e no Imposto Especial sobre a Electricidade.