Saltar ao contido principal

Residentes noutros Estados da Unión Europea

Coñece as especialidades para obter a devolución se resides nun Estado da Unión Europea distinta de España

Saltar índice da información

Como podo obter solicitar a alta no censo de beneficiarios de gasóleo profesional no procedemento específico xestionado mediante soporte papel?

Se resides noutro Estado da Unión Europea, para solicitar a alta no censo de beneficiarios de gasóleo profesional en soporte papel, deberás remitir ao Departamento de Aduanas e Impostos Especiais, mediante correo certificado, unha solicitude que conteña os seguintes datos:

  1. Número de identificación fiscal (NIF), nome ou razón social e domicilio fiscal do solicitante.
  2. Descrición da actividade económica do solicitante e data de inicio desta actividade.
  3. Identificación da entidade financeira e do código da conta bancaria, formato IBAN, á que se efectuará o pagamento das devolucións e, en caso de contas internacionais, o código SWIFT.
  4. Enderezo de correo electrónico do solicitante.
  5. En caso de actuar mediante representante,  NIF e nome ou razón social do representante fiscal do solicitante.
  6. Os seguintes datos, por cada un dos vehículos en que se consuma gasóleo profesional:
    1. Matrícula do vehículo.
    2. País da Unión de matriculación.
    3. Data de inicio na actividade do vehículo.
    4. Peso máximo autorizado do vehículo.
  1. Nos vehículos aos que a normativa do seu Estado de residencia esixa autorización administrativa para o exercicio da actividade de transporte consignarase o número desta e o nome do organismo expedidor da autorización.
  2. Número de identificación do solicitante para os efectos do Imposto sobre o Valor Engadido, previsto na Directiva 2006/112/CE do Consello, do 28 de novembro de 2006, relativa ao sistema común do Imposto sobre o valor Engadido.