• A operación ‘Botuli’ permitiu detectar un centro clandestino onde se realizaban tratamentos estéticos sen habilitación sanitaria

• No rexistro acháronse medicamentos sen control sanitario, instrumental médico e substancias estupefacientes

• A investigación foi desenvolvida por Vixilancia Aduaneira da Axencia Tributaria en colaboración coa Garda Civil

2 de abril de 2025.- A Área Rexional do País Vasco de Vixilancia Aduaneira da Axencia Estatal de Administración Tributaria, en colaboración coa Garda Civil da unidade Orgánica de Policía Xudicial de Áraba e axentes da Garda Civil da Sección Fiscal de Áraba, e contando co asesoramento técnico de parte do Servizo de Ordenación e Acreditación Sanitaria, Planificación e Dixitalización en Saúde, do Departamento de Saúde do Goberno Vasco, levaron a cabo a operación ‘Botuli’ co obxectivo de investigar un presunto delito contra a saúde pública vinculada á importación, distribución e administración ilícita de toxina botulínica (Botox).

As investigacións iniciais permitiron localizar unha clínica clandestina nuns piso de Bilbao, onde se ofertaban tratamentos de estética sen a autorización correspondente do Goberno Vasco.

 Ante a existencia de indicios sólidos, o Xulgado de Garda de Bilbao autorizou a entrada e rexistro no inmoble.

Durante a inspección, os axentes acharon diversos medicamentos sen control sanitario, instrumental médico, unha padiola e outros elementos que confirmaban a actividade irregular do centro.

Así mesmo, encontráronse substancias estupefacientes, como anfetaminas destinadas ao consumo dos moradores da vivenda.

Como resultado da operación, a titular da clínica ilegal foi detida e posta a disposición do Xulgado de Instrución en funcións de garda de Bilbao, que instrúe o caso.