Declaración individual ou conxunta

Características da tributación conxunta

• Para determinar a obriga de declarar, aplícanse as regras de tributación individual, sen que proceda a elevación ou multiplicación dos importes ou límites en función do número de membros da unidade familiar.

• As rendas de calquera tipo obtido por todos e cada un dos membros da unidade familiar someteranse a gravame acumuladamente.

• Agás nos casos expresamente previstos na normativa do imposto, a declaración conxunta non supón a ampliación de ningún dos límites que afectan a determinadas partidas deducibles.

• A contía do mínimo por contribuínte será de 5.550  € anuais, con independencia do número de membros integrados na unidade familiar.

• En declaracións conxuntas establécese unha redución na base impoñible de:

  • 3.400 € anuais para unidade familiar composta por matrimonios non separados legalmente, e os fillos menores ou maiores incapacitados que convivan.

  • 2.150 € anuais para unidade familiar monoparentais compostas polo pai ou nai non casado, viúvo ou separado legalmente cos fillos menores, ou maiores incapacitados, que convivan con el ou con ela. (non será aplicable se o contribuínte convive co pai ou a nai dalgún dos fillos que forman parte da súa unidade familiar)